យល់សប្តិឃើញជាប់គុកច្រវាក់ អត្ថន័យផ្ទុយស្រឡះពីអ្វីដែលធ្លាប់គិត

យោងតាមការព្យាករណ៍សុបិន បុរាណចែងថា យល់សប្តិឃើញជាប់ក្នុងមន្ទីរឃុំឃាំង ឬជាប់ខ្នោះច្រវាក់ អត្ថន័យមិនអាក្រក់ដូចឃើញក្នុងយល់សប្តិទេ ផ្ទុយទៅវិញវាជាហេតុភេទនៃរឿងល្អ ដែលអាចកើតឡើងក្នុងជីវិតពិត បន្ទាប់ពីភ្ញាក់ពីគេង។

ជាទូទៅយល់សប្តិឃើញគុក ឬខ្លួនឯងនៅក្នុងគុក មានន័យថា អ្នកហៀបនឹងរួចផុតពីឧបសគ្គហើយ ឬអត្ថន័យម្យ៉ាងទៀតមានន័យថា អារម្មណ៍ស្មុគស្មាញដែលធ្លាប់ចងរឹតជាយូរមកហើយ នឹងរលាយសូន្យទៅ។

ចំណែកខាងអាជីព យល់សប្តិប្រភេទនេះ ជាសញ្ញានៃការផ្លាស់ប្តូរនាយកដ្ឋាន ផ្លាស់មុខតំណែង ឬផ្លាស់ទៅស្ថាប័នថ្មី។

ចំពោះហិរញ្ញវត្ថុវិញ នឹងមានឱកាសទទួលបានចំណូលសមប្រកប ដែលនឹងជួយឱ្យរួចផុតពីបំណុល។

ដោយឡែកសម្រាប់ស្នេហា ទំនងជាមានអ្នកថ្មីចូលមកស្អំបេះដូង ឬអ្នកនៅលីវអាចជួបគូជីវិតពិតប្រាកដ។

យ៉ាងណាក្ដី ចំពោះសុខភាព យល់សប្តិឃើញជាប់គុកច្រវាក់ ចូរប្រយ័ត្នលើបញ្ហាឆ្អឹង និងសន្លាក់ ព្រោះយល់សប្តិនេះជាសញ្ញាព្រមាន។ ជាមួយគ្នាដែរ ម្ចាស់សប្តិ ត្រូវប្រយ័ត្ននឹងលេងល្បែងស៊ីសង ហាមយកខ្លួនបៀតដាច់ខាត ព្រោះអ្នកនឹងរលីងគូទខោ៕

អត្ថបទ៖ សន្យា

ចុចអាន៖ យល់សប្តិឃើញឈាម និងបាក់ធ្មេញ អត្ថន័យមិនអាក្រក់ដូចគិតទេ

ចុចអាន៖ វត្ថុ ៨យ៉ាង​ គេជឿថា នាំលាភសំណាងឱ្យឆាប់ដល់គូ