តារានិករ ៣ ដួង អំឡុងពេលនេះត្រូវប្រយ័ត្នពួកម៉ាកសម្ដីផ្អែម ចាក់ពីក្រោយខ្នង

យោងតាមការទស្សទាយពីហោរាសាស្ត្រចិនបានធ្វើការទាយពីជោគវាសនាក្រុមតារានិករ៣ដួង ដែលត្រូវតែប្រុងប្រយ័ត្នខ្លួនឲ្យមែនទែនក្នុងការសេពគប់មិត្ត។ ជាពិសេសក្រុមប៊នភឿនពូកែចាក់ចេកចាក់ស្ករយកល្អខ្លួនឯងនៅនឹងមុខយើង ដូចជាកំពូលមិត្តឈឺឆ្អាលសឹងគ្រប់រឿង។ ប៉ុន្តែងាកទៅក្រោយខ្នង បែរជាប្រែបាតដៃខ្នងដៃ សឹងតែ១៨០ដឺក្រេ។

តាមរយៈគ្រូហុងស៊ុយដ៏ល្បីប្រចាំស្រុកចិនបានធ្វើការទស្សទាយ ពីក្រុមតារានិករ៣ដួង ដែលមានជោគជតាចាប់ពីថ្ងៃទី ០៧ ខែកុម្ភៈ ឆ្នាំ ២០២៤ គួរមានស្មារតីប្រយ័ត្ន កុំសេពគប់បាបមិត្តអាចផុងខ្លួនខាតលាភខាតលុយពេញមួយជីវិត ងើបលែងរួច។

តារានិករទី១ Aries អ្នកកើតនៅថ្ងៃ២១ ខែមីនា ដល់ ថ្ងៃ១៩ ខែមេសា

ក្នុងអំឡុងពេលនេះ អ្នកប្រហែលជាកំពុងដោះស្រាយបញ្ហាទំនាក់ទំនងជាមួយមិត្តភក្តិជិតស្និទ្ធ។ ប្រយ័ត្ន​ចាប់ពីពេលនេះអាចនឹងមានបញ្ហាជាមួយក្រុមភឿនស្និតស្នាលកន្លងមក ដែលនៅនឹងមុខល្អតែក្រោយខ្នងអាចនិយាយ​ដើម​យើង ចំអក មើលងាយសមត្ថភាពយើង ឬត្រូវ​ក្បត់​ដោយ​មនុស្ស​ដែល​អ្នក​ទុក​ចិត្តបំផុត។ អ្នកគួរតែប្រយ័ត្នជាមួយពាក្យសម្ដី និងសកម្មភាពរបស់អ្នកឲ្យមែនទែន។ ដូច្នេះសូមរក្សាសុទិដ្ឋិនិយម និងស្ងប់ស្ងាត់ក្នុងការដោះស្រាយបញ្ហានានាដែលកើតមាន និង​ប្រុងកើត។

តារានិករទី២ Gemini អ្នកកើតថ្ងៃទី២២ ខែឧសភា ដល់ថ្ងៃទី ២១ ខែមិថុនា 

អ្នក​ប្រហែល​ជា​មាន​អារម្មណ៍​មិន​ស្រួល​ជាមួយ​មិត្តភ័ក្តិ​របស់​អ្នក ​ក្នុង​អំឡុង​ពេល​នេះទេ។ ប្រយ័ត្នចាញ់បោកគេ ឬត្រូវបានទាញយកប្រយោជន៍ពីក្រុមមិត្តមិនល្អ។ អំឡុងពេលនេះ បើចង់ធ្វើអ្វីមួយ អ្នក​គួរ​គិត​និង​ពិចារណា​មុន​នឹង​ធ្វើ​ការ​សម្រេច​ចិត្ត​ណាមួយ។ មិនដូច្នោះទេ អ្នកអាចនឹងសោកស្ដាយនូវកំហុសឆ្គង ហើយចង់បកត្រលប់ក្រោយក៏ហួសពេលនឹងវិល។

តារានិករ Virgo អ្នកកើតចាប់ពីថ្ងៃ២៣ ខែសីហា ដល់ថ្ងៃ ២២ ខែកញ្ញា

ក្នុងអំឡុងពេលនេះអ្នកប្រហែលជាត្រូវប្រឈមមុខនឹងជម្លោះជាមួយមិត្តភក្តិ។ ប្រយ័ត្ននឹងការឈ្លោះប្រកែកគ្នា ឬត្រូវបានពួកគេប្លន់យកវត្ថុមានតម្លៃរបស់អ្នក។ ក្នុងពេលនេះទៀតសោត អ្នកគួរតែគ្រប់គ្រងអារម្មណ៍ខ្លួនឯង ហើយនិយាយដោយសុភាពរាបសារបំផុត។ កុំក្រអឺតក្រអទមឬវាយរឹកអាងខ្លួនមានបាន ប្រយ័ត្នបានទាំងបាបមិត្ត បានទាំងគ្រោះជាប់ខ្លួន។

ទោះជាយ៉ាងណាក៏ដោយ ហោរាសាស្ត្រនេះគ្រាន់តែជាការទស្សន៍ទាយប៉ុណ្ណោះ។ នោះមិនមានន័យថាវាកើតឡើងចំពោះមនុស្សគ្រប់គ្នានោះទេ។ ប៉ុន្តែយើងនៅតែអាចមានគន្លឹះដើម្បីបង្កើនសំណាង​ និងពង្រឹងមិត្តភាពរបស់អ្នកឡើងវិញ។

• ធ្វើ​បុណ្យ​ដោយ​បរិច្ចាគ​វត្ថុ​ដល់​កុមារ​កំព្រា ឬជនក្រីក្រ។
• ថ្វាយបង្គំព្រះពុទ្ធ និងសុំពរជ័យពីព្រះដែលអ្នកតែងតែគោរពប្រតិបត្តិកន្លងមក។
• សូត្រធម៌មុនពេលចូលគេងយប់ ឬមានវិធីមួយទៀតដោយការជូនលុយកាក់ដល់ចាស់ព្រឹត្តិចារ្យដែលមានវ័យចាស់ជាងខ្លួន៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូ ​ណុប

ចុចអាន៖ តារានិករ​​៤​ដួងនេះ នឹងបាន​លាភ​ជ័យផ្នែកលុយកាក់​ ជោគជ័យខ្លាំង​ ក្រោយចូលឆ្នាំចិនរួច