វប្បធម៌ ជំនឿ

ជីនាងវង ជារុក្ខជាតិហុងស៊ុយ នាំទ្រព្យ និងសុខដុមរមនាដល់គ្រួសារ

បានផុស

៤ ខែ មុន

នៅ

ថ្ងៃសៅរ៍ ១៥ កុម្ភៈ ២០២៥

ដោយ

ជីនាងវង មានដើមកំណើតក្នុងប្រទេសឥណ្ឌា បានដាំដុះយ៉ាងទូលំទូលាយនៅក្នុងប្រទេសជាច្រើនជុំវិញពិភពលោក ជាពិសេសនៅអាស៊ី និងមេឌីទែរ៉ាណេ។ វាមានដើមកំពស់ប្រហែល ៣០-៦០សង់ទីម៉ែត្រ ស្លឹកដុះទល់មុខរាងពងក្រពើ។ ផ្កា មានទំហំតូច ពណ៌ស ឬពណ៌ស្វាយស្លេក ហើយដុះជាចង្កោមនៅចុងមែក ហើយថែមទាំងមាន ក្លិនក្រអូប និងត្រូវបានគេប្រើយ៉ាងទូលំទូលាយនៅក្នុងម្ហូប និងឱសថបុរាណនានា។

ទន្ទឹមនឹងមានប្រយោជន៍ផ្នែកអាហារឬឱសថ ជីនាងវងក៏គ្រឿងទេសពិសេសមួយ ដែលគេចាត់ទុកជារុក្ខជាតិហុងស៊ុយនាំសំណាង និងភាពចម្រុងចម្រើនដល់ក្រុមគ្រួសារ។ ក្នុងហុងស៊ុយ ជីនាងវងត្រូវគេចាត់ទុកជានិមិត្តរូបនៃភាពរុងរឿង សំណាង និងលុយកាក់។ ខាងក្រោមនេះ ជាអត្ថន័យហុងស៊ុយពិសេសរបស់ជីនាងវង៖

ទាក់ទាញថាមពលវិជ្ជមាន៖ ត្រូវបានគេជឿថា មានសមត្ថភាពទាក់ទាញថាមពលវិជ្ជមាន ការពារវិញ្ញាណអាក្រក់ និងនាំមកនូវសន្តិភាព និងភាពសុខដុមរមនាដល់កន្លែងរស់នៅ។

ធ្វើឲ្យទ្រព្យសម្បត្តិសកម្ម៖ យោងតាមហុងស៊ុយ បាសអាចជំរុញលំហូរនៃទ្រព្យសម្បត្តិ ជួយឲ្យម្ចាស់ផ្ទះមានសំណាងល្អក្នុងការងារ និងជំនួញ។

នាំមកនូវសុខភាព និងសុខសន្តិភាព៖ ជីនាងវង មិនត្រឹមតែនាំសំណាងខាងទ្រព្យសម្បត្តិប៉ុណ្ណោះទេ ប៉ុន្តែក៏ត្រូវបានគេជឿថានាំមកនូវសុខភាព និងភាពសុខសាន្តដល់សមាជិកគ្រួសារផងដែរ។

និមិត្តសញ្ញានៃភាពសម្បូរបែប៖ ជាមួយនឹងរូបរាងពណ៌បៃតងខៀវស្រងាត់របស់វា ជីនាងវងតំណាងឲ្យភាពសម្បូរបែប ភាពពេញលេញ និងវិបុលភាព។

របៀបដាំ និងថែទាំជីនាងវងតាមក្បួនហុងស៊ុយ

ដើម្បីបង្កើនអត្ថន័យហុងស៊ុយរបស់ជីនាងវង ម្ចាស់ផ្ទះត្រូវកត់សម្គាល់ដូចខាងក្រោម៖

ទីតាំងដាំ ជីនាងវង គួរដាំនៅកន្លែងបើកចំហដែលមានពន្លឺព្រះអាទិត្យច្រើន ដូចជា យ៉រ ផ្ទៃរាបស្មើរ ឬនៅខាងមុខផ្ទះ។ ចៀសវាងការដាំដើមឈើនៅកន្លែងដែលមានពន្លឺតិច និងសើម។

ទិសដាំ តាមហុងស៊ុយគួរដាំនៅទិសបូព៌ា ឬទិសអាគ្នេយ៍ ដើម្បីទទួលបានថាមពល និងលាភសំណាង។

ការថែទាំរុក្ខជាតិ រុក្ខជាតិនេះត្រូវស្រោចទឹកជាប្រចាំ និងជីជាតិឲ្យបានទៀងទាត់ ដើម្បីរក្សាពណ៌បៃតង និងលូតលាស់កាន់តែខ្លាំង។

ការកាត់ចេញ និងកាត់រាង កាត់ចេញជាទៀងទាត់ និងធ្វើរូបរាងដើមជីនាងវង ដើម្បីរក្សាលំនឹង ភាពចុះសម្រុងគ្នា និងស្រស់ស្អាត។

យ៉ាងណាមិញ ជីនាងវងមិនត្រឹមតែជាគ្រឿងទេសដែលធ្លាប់ស្គាល់ប៉ុណ្ណោះទេ ប៉ុន្តែក៏ជារុក្ខជាតិហុងស៊ុយដែលមានអត្ថន័យល្អជាច្រើន។ ការដាំ និងថែទាំវាឲ្យបានត្រឹមត្រូវ នឹងជួយឲ្យម្ចាស់ផ្ទះនាំមកនូវភាពរុងរឿងសំណាង និងលាភហូរចូលឥតឈប់ឈរ៕