ព័ត៌មានអន្ដរជាតិ

Reddit ប្ដឹង Perplexity ពីបទលួចទិន្នន័យទៅបង្វឹកប្រព័ន្ធ AI របស់ខ្លួន

បានផុស

៩ ខែ មុន

នៅ

ថ្ងៃព្រហស្បតិ៍ ២៣ តុលា ២០២៥

ដោយ

ក្រុមហ៊ុនវេទិកាបណ្ដាញសង្គមយក្ស Reddit បានប្ដឹងក្រុមហ៊៊ុនបញ្ញាសិប្បនិម្មិត(AI)បង្កើតថ្មី Perplexityទៅតុលាការសហព័ន្ធក្រុងញូវយ៉កកាលពីថ្ងៃពុធ ដោយចោទប្រកាន់ក្រុមហ៊ុននេះ និងក្រុមហ៊ុនចំនួន៣ផ្សេងទៀតពីបទលួចទិន្នន័យទ្រង់ទ្រាយធំដោយខុសច្បាប់ ដើម្បីបណ្តុះបណ្តាលប្រព័ន្ធ AI របស់ខ្លួន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Reddit បាននិយាយក្នុងពាក្យបណ្ដឹងថា បណ្ដាក្រុមហ៊ុនប្រមូលទិន្នន័យទ្រង់ទ្រាយធំ បានរំលោភលើវិធានការការពារទិន្នន័យ ដើម្បីបំពេញតម្រូវការរបស់ Perplexity ដែលយកទៅប្រើប្រាស់់ក្នុង«ប្រព័ន្ធម៉ាស៊ីនឆ្លើយតប» ឬ ម៉ាស៊ីនស្វែងរករបស់ខ្លួន។

គេមើលថា កន្លងមក បណ្ដាក្រុមហ៊ុនផ្ដល់មាតិកាលើអ៊ិនធឺណិត បានដាក់់ពាក្យបណ្ដឹងប្រឆាំងក្រុមហ៊ុនបច្ចេកវិទ្យាផ្សេងៗពីបទ «ប្រើប្រាស់់ខុសច្បាប់» នូវ «ទិន្នន័យជាប់់កម្មសិទ្ធិ» របស់ខ្លួន ដើម្បីបង្វឹកបង្ហាត់ប្រព័ន្ធ AI របស់់ពួកគេ។ Reddit បានដាក់ពាក្យបណ្ដឹងស្រដៀងគ្នាប្រឆាំងនឹងក្រុមហ៊ុន Anthropic កាលពីខែមិថុនា ដោយសំំណុំរឿងនេះស្ថិតនៅក្រោមដំណើរការនៅឡើយ។

ទោះបីជាយ៉ាងណាក៏ដោយ Perplexity បាននិយាយក្នុងសេចក្ដីថ្លែងការណ៍មួយថា៖ «យុទ្ធសាស្រ្តរបស់យើងនៅតែមានគោលការណ៍ និងទំនួលខុសត្រូវ នៅពេលយើងផ្តល់ចម្លើយជាក់ស្តែងដោយប្រើប្រាស់ AI ត្រឹមត្រូវ។ យើងនឹងប្រឆាំងចំពោះការគំរាមកំហែងប្រឆាំងនឹងការបើកចំហរ និងផលប្រយោជន៍សាធារណៈ»។

ប្រធានផ្នែកច្បាប់របស់ Reddit លោក Ben Lee បាននិយាយក្នុងសេចក្តីថ្លែងការណ៍ថា៖ «ក្រុមហ៊ុន AI បានជាប់គាំងក្នុងការប្រកួតប្រជែងសម្រាប់មាតិកាមនុស្សប្រកបដោយគុណភាព ហើយសម្ពាធនោះបានជំរុញឱ្យមាន “សេដ្ឋកិច្ចលាងទិន្នន័យ” ខ្នាតឧស្សាហកម្ម»៕