សេដ្ឋកិច្ច

ធនាគារជាតិ សម្រេចឱ្យបន្តវិធានការលុបចោលបំណុលរហូតដល់ ៨០ លានរៀល ចំពោះយោធិនពលី

បានផុស

៧ ខែ មុន

នៅ

ថ្ងៃពុធ ១០ ធ្នូ ២០២៥

ដោយ

ធនាគារជាតិ នៃកម្ពុជានៅថ្ងៃទី ១០ ខែធ្នូ ឆ្នាំ ២០២៥ បានណែនាំឱ្យគ្រឹះស្ថានធនាគារ និងហិរញ្ញវត្ថុលុបចោលឥណទានរហូតដល់ ១០ លានរៀល ចំពោះទាហានពិការនៅសមរភូមិ និងលុបចោលឥណទានរហូតដល់ ៨០ លានរៀលរបស់អតិថិជន ឬអ្នករួមខ្ចី ជាយោធិនពលី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធនាគារជាតិក៏បានណែនាំឱ្យគ្រឹះស្ថានធនាគារ និងហិរញ្ញវត្ថុអនុគ្រោះដល់អតិថិជនជាជនភាសសឹក ដែលរងផលប៉ះពាល់ពីជម្លោះព្រំដែនកម្ពុជា-ថៃ។

ធនាគារជាតិសម្រេចឱ្យលើកលែងកម្រៃ និងការផាកពិន័យពាក់ព័ន្ធនឹងឥណទាន និងលើកលែងការទូទាត់សងការប្រាក់ និងពន្យាពេលទូទាត់សងប្រាក់ដើម ចាប់ពីថ្ងៃនេះរហូតដល់ថ្ងៃទី ៣១ ខែមីនា ឆ្នាំ ២០២៦។

លើកលែងរាល់កម្រៃ និងការផាកពិន័យពាក់ព័ន្ធនឹងឥណទាន និងលើកលែងការទូទាត់សងការប្រាក់ ព្រមទាំងពន្យាពេលទូទាត់សងប្រាក់ដើម ចាប់ពីថ្ងៃនេះ រហូតដល់ថ្ងៃទី ៣១ ខែឧសភា ឆ្នាំ ២០២៦ ដល់យោធិនដែលធ្វើប្រតិបត្តិការដោយផ្ទាល់ក្នុងសមរភូមិ៕