ព័ត៌មានអន្ដរជាតិ
តម្លៃប្រេងអន្តរជាតិហក់ឡើងកាន់តែខ្ពស់ ក្រោយ ត្រាំ ប្ដេជ្ញាបង្កើនការវាយប្រហារអ៊ីរ៉ង់
តម្លៃប្រេងអាមេរិកបានកើនជាង ១០ ដុល្លារ ហើយប្រេងម៉ាក Brent កើនជាង ៧ ដុល្លារ ពេលបិទការជួញដូរនៅថ្ងៃព្រហស្បតិ៍ (២ មេសា) ខណៈដែលវិនិយោគិនព្រួយបារម្ភពីការអូសបន្លាយនៃការរំខានផ្នែកផ្គត់ផ្គង់ប្រេងចេញពីមជ្ឈិមបូព៌ា ក្រោយលោកប្រធានាធិបតី ដូណាល់ ត្រាំ ប្ដេជ្ញាថាអាមេរិកនឹងបន្តការវាយប្រហារអ៊ីរ៉ង់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
តម្លៃប្រេងឆៅម៉ាក Brent បានកើនឡើង ៧,៨៧ ដុល្លារ ឬ ៧,៧៨% ដល់ ១០៩,០៣ ដុល្លារ/បារ៉ែល ខណៈប្រេងអាមេរិក ម៉ាក West Texas Intermediate (WTI) បានកើនឡើង ១១,៤២ ដុល្លារ ឬ ១១,៤១% ដល់ ១១១,៥៤ ដុល្លារ/បារ៉ែល។
តម្លៃប្រេងទាំង ២ ធ្លាប់ហក់ឡើងជិតដល់ ១២០ ដុល្លារ/បារ៉ែល កាលពីខែមីនា ក្រោយជម្លោះរវាងអ៊ីស្រាអែល សហរដ្ឋអាមេរិក និងអ៊ីរ៉ង់ ផ្ទុះឡើងនៅចុងខែកុម្ភៈ។
លោក ត្រាំ បាននិយាយថា អាមេរិកនឹងបង្កើនប្រតិបត្តិការយោធា ប៉ុន្តែមិនបានបញ្ជាក់ពេលវេលាសម្រាប់ការបញ្ចប់ជន្លោះនោះទេ ហើយលោកក៏មិនបានផ្តល់ព័ត៌មានលម្អិតអំពីជំហានណាមួយដែលអាចនាំទៅដល់ការបើកច្រកសមុទ្រ ហ័រមូហ្ស ឡើងវិញនោះដែរ។
លោក ត្រាំ បាននិយាយថា៖ «យើងនឹងវាយប្រហារពួកគេឱ្យខ្លាំងក្នុងរយៈពេល ២-៣ សប្តាហ៍ខាងមុខ។ យើងនឹងនាំពួកគេត្រឡប់ទៅយុគសម័យថ្មវិញ ជាកន្លែងដែលពួកគេនៅ»។
ជុំវិញការវិវត្តចុងក្រោយ មន្ត្រីក្រសួងការបរទេសអ៊ីរ៉ង់ម្នាក់បាននិយាយថា អ៊ីរ៉ង់កំពុងរៀបចំពិធីសារជាមួយអូម៉ង់ ដើម្បីត្រួតពិនិត្យចរាចរណ៍នៅក្នុងច្រកសមុទ្រហ័រមូហ្ស។
កន្លងមក អ៊ីរ៉ង់បានប្រកាសបិទច្រកហ័រមូហ្ស ដែលជាផ្លូវទឹកសំខាន់ដឹកជញ្ជូនប្រេង ២០% នៃតម្រូវការសកល ដើម្បីសងសឹកទៅនឹងការវាយប្រហាររបស់អាមេរិក និងអ៊ីស្រាអែល។ ការបើកច្រកសមុទ្រឡើងវិញបានក្លាយជាអាទិភាពសម្រាប់រដ្ឋាភិបាលនានានៅជុំវិញពិភពលោក ខណៈតម្លៃថាមពលបានហក់ឡើងខ្ពស់៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង