ព័ត៌មានអន្ដរជាតិ
ការនាំចេញមាន់សាច់របស់ថៃ កំពុងប្រឈមនឹងវិបត្តិ ក្រោយចិនហាមឃាត់
ការនាំចេញមាន់សាច់របស់ប្រទេសថៃកំពុងប្រឈមមុខនឹងវិបត្តិនៃការធ្លាក់ចុះទាំងបរិមាណនាំចេញ និងតម្លៃ ដោយសារតែការហាមឃាត់នាំចូលរបស់ចិន និងជម្លោះនៅមជ្ឈិមបូព៌ា។ នេះបើតាមការចុះផ្សាយរបស់កាសែត The Nation។
លោក Kukrit Areepakorn អ្នកគ្រប់គ្រងសមាគមអ្នកនាំចេញកែច្នៃសាច់មាន់ថៃ បានឱ្យដឹងថា ចិនបានបិទការនាំចូលសាច់មាន់ និងបក្សីពីរោងចក្រកែច្នៃភាគច្រើនរបស់ថៃ ក្រោយប្រទេសនេះបានរឹតបន្តឹងស្តង់ដារផលិតកម្ម និងការត្រួតពិនិត្យអនាម័យ។ ការណ៍នេះ អាចកាត់បន្ថយការនាំចេញទៅកាន់ទីផ្សារចិនជាង ៥០% ខណៈពីមុនមក រោងចក្រកែច្នៃថៃចំនួន ២២ អាចនាំចេញទៅចិន ប៉ុន្តែពេលនេះ មានតែ ៥ ប៉ុណ្ណោះ ដែលអាច។
បច្ចុប្បន្ន មន្ទីរបង្កាត់សត្វថៃ កំពុងចរចាលើបញ្ហានាំចេញជាមួយរដ្ឋាភិបាលចិន។
ដោយឡែក ជម្លោះនៅមជ្ឈិមបូព៌ាបានរារាំងការនាំចេញទៅកាន់តំបន់នោះ និងបានបង្កើនថ្លៃដឹកជញ្ជូនទៅកាន់អឺរ៉ុបយ៉ាងខ្លាំង ដោយបង្ខំឱ្យមានការបង្វែរទិសដៅដឹកកាត់តាម Cape of Good Hope នៅអាហ្វ្រិកខាងត្បូង។
វិបត្តិផ្នែកនាំចេញមាន់របស់ថៃ កាន់តែធ្ងន់ធ្ងរឡើងដោយផលវិបាកទាក់ទងនឹងជម្លោះ រួមទាំងតម្លៃប្រេងខ្ពស់ កំណើនថ្លៃចំណីសត្វ និងកង្វះខាតផ្លាស្ទិកសម្រាប់វេចខ្ចប់ជាដើម។
កត្តារួមបញ្ចូលគ្នាទាំងនេះ បានបណ្តាលឱ្យការនាំចេញសាច់មាន់របស់ប្រទេសថៃធ្លាក់ចុះ ២% នៅក្នុងខែមករា និងខែកុម្ភៈ ហើយអាចធ្លាក់ចុះគំហុកពេញមួយឆ្នាំនេះ ខណៈឆ្នាំមុន ថៃកើបចំណូលប្រមាណ ១៥៦ ប៊ីលានបាត ពីការនាំចេញសាច់មាន់ ១,៣ លានតោន។
ការនាំចេញទៅកាន់ទីផ្សារចិន នឹងថយចុះមកត្រឹមប្រហែល ៤-៥ ម៉ឺនតោន នៅឆ្នាំនេះ ពី ១ សែន តោនឆ្នាំមុន។ ការនាំចេញទៅមជ្ឈិមបូព៌ាវិញ រំពឹងថានឹងគ្មាននោះទេ ខណៈទីផ្សារសហភាពអឺរ៉ុបអាចស្រូបយក ១,៧-១,៨ សែនតោន ហើយអង់គ្លេស ២ សែនតោន ប៉ុន្តែតម្លៃដឹកជញ្ជូនទៅទីផ្សារទាំងនេះកំពុងកើនឡើង។
ទីផ្សារជប៉ុន ដែលថៃនាំចេញសាច់មាន់ទៅច្រើនជាងគេ (៥ សែនតោន ឬប្រហែល ៥០% នៃការនាំចេញរបស់ថៃ) បច្ចុប្បន្ន កំពុងមានបញ្ហាជាមួយនឹងការខ្វះខាតវេចខ្ចប់ប្លាស្ទិក ដោយសារតែជម្លោះមជ្ឈិមបូព៌ា។
ខណៈការនាំចេញសាច់មាន់ថៃកំពុងប្រឈមវិបត្តិ ការប្រើប្រាស់ក្នុងស្រុកឯណោះវិញក៏នៅតែខ្សោយ៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ