ក្រសួងកសិកម្មបង្ហាញតម្លៃសេវាកម្មគ្រឿងយន្ត និងដាំដំណាំគម្របដីច្បាស់ៗជូនប្រជាកសិករ
Connect with us
Helistar Cambodia - Helicopter Charter Services

សេដ្ឋកិច្ច

ក្រសួងកសិកម្មបង្ហាញតម្លៃសេវាកម្មគ្រឿងយន្ត និងដាំដំណាំគម្របដីច្បាស់ៗជូនប្រជាកសិករ

បានផុស

នៅ

ក្នុងទិសដៅពង្រឹងសមត្ថភាពប្រើប្រាស់គ្រឿងយន្ត និងបច្ចេកទេសកសិកម្មដល់ប្រជាកសិករ ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ពីតម្លៃសេវាកម្មយ៉ាងជាក់លាក់ ដើម្បីងាយស្រួលដល់កសិករ សហការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃសេវាកម្ម ដែលក្រសួងកសិកម្ម បានផ្ដល់ជូន និងសហការជាមួយកសិករនាពេលកន្លងមក រួមមាន៖

១- ការកៀរពង្រាបដីចម្ការ ១៤០ ០០០៛/ហត ដីស្រែ ៦០០ ០០០៛/ហត

២- ការដាំដំណាំគម្របដីមុនដាំពោតនិងស្រូវ ១២០ ០០០៛/ហត

៣- ការដាំស្រូវ ពោត សណ្តែកដោយម៉ាស៊ីនដាំគ្រាប់ស្ងួតលើដីមិនភ្ជួររាស់១៤០ ០០០៛/ហត

៤- ការដាំដំឡូងមីដោយម៉ាស៊ីនលើដីមិនភ្ជួររាស់ ៣៥០ ០០០៛/ហត

៥- ការដាំពោត និងស្រូវលើគម្របដីស្រស់ ១៤០ ០០០៛/ហត

៦- ការដាំដំណាំចំណីសត្វ ១៤០ ០០០៛/ហត

៧- ការដាំដំណាំគម្របដីក្នុងចន្លោះឈើហូបផ្លែ ១៤០ ០០០៛/ហត

គិតមកទល់ពេលនេះ សរុបផ្ទៃដីអនុវត្ត សម្រេចបានចំនួន ១,៦៨៦ ហត និងមាន ៦៦០ គ្រួសារទទួលបានសេវាកម្មនេះ។

ឯកឧត្ដម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា៖ ក្នុងឆមាសទី២ ក្រុមការងារគម្រោងរបស់ក្រសួង ដាក់គោលដៅនឹងបន្តសម្របសម្រួលលើការផ្តល់សេវាកម្មគ្រឿងយន្ត និងគ្រាប់ពូជដំណាំគម្របដីឱ្យបានទាន់ពេលវេលា ជាពិសេសផ្តល់ការប្រឹក្សាយោបល់បច្ចេកទេសលើការថែទាំដំណាំ ចែករំលែកចំណេះដឹងតាមរយៈបណ្តាញសង្គម ទៅដល់តួអង្គនៃបណ្តាញកសិកម្មអភរិក្ស រៀបចំវគ្គបណ្តុះបណ្តាលដល់និស្សិត និងមន្ត្រីបច្ចេកទេសតាមប្រព័ន្ធអនឡាញ និងវាយតម្លៃប្រសិទ្ធភាពនៃប្រព័ន្ធដាំដុះរបស់បណ្តាញកសិករក្នុងឆ្នាំ២០២១។

បាត់ដំបងគឺជាខេត្តគោលដៅ ដោយផ្តោតលើផលិតកម្មដំណាំចម្ការប្រចាំរដូវ (ពោត ដំឡូងមី សណ្តែក) ឈើហូបផ្លែ និងការចិញ្ចឹមសត្វនៅតំបន់ខ្ពង់រាបក្នុងស្រុករតនៈមណ្ឌល និងផលិតកម្មស្រូវទំនាបរំពឹងទឹកភ្លៀងក្នុងស្រុកបាណន់។ គម្រោងត្រូវបានអនុវត្តនៅទីតាំងគោលសរុបចំនួន ១៨ភូមិ ក្នុងស្រុករតនៈមណ្ឌល សំឡូត និងស្រុកបាណន់ ខេត្តបាត់ដំបង។

គួរបញ្ជាក់ថា បច្ចុប្បន្នក្រសួងកសិកម្ម រុក្ខាប្រមាញ់ និងនេសាទ កំពុងអនុវត្តន៍លើគម្រោងស្តីពី “ការផ្តល់សេវាបច្ចេកទេសកសិកម្មអភិរក្សដោយមានការបង់ថ្លៃសេវាកម្ម (CASF)”។ គម្រោងនេះ ត្រូវបានផ្តួចផ្តើមអនុវត្តក្នុងគោលដៅឱ្យផ្នែកឯកជនបំពេញតួនាទីរបស់ខ្លួនក្នុងដំណើរវិវឌ្ឍនាការកសិកម្មអភិរក្សតាមគោលការណ៍កសិអេកូឡូស៊ី។

គម្រោងនេះ ចាប់ផ្ដើមក្នុងឆ្នាំ២០១៨ ក្រោមកិច្ចសហការរវាងមជ្ឈមណ្ឌលសេវាកម្មកសិកម្មអភិរក្ស (CASC) ជាមួយនាយកដ្ឋានគ្រប់គ្រងធនធានដីកសិកម្ម និងនាយកដ្ឋានវិស្វកម្មកសិកម្ម មជ្ឈមណ្ឌលស៊ីសេន (CE SAIN) សាកលវិទ្យាល័យ Kansas State University និងអង្គការស្វីសខនថាក់ (Swisscontact)។ គម្រោងមានរយ:ពេល ៣ឆ្នាំ (២០១៨-២០២១) ត្រូវប្រើ ប្រាស់ថវិកាសរុបចំនួន ១៩៥ ០០០ដុល្លារ ដែលបានមកពីជំនួយឥតសំណងរបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) និងទីភ្នាក់ងារស្វីសសម្រាប់ការអភិវឌ្ឍ និងសហប្រតិបត្តិការ (SDC)៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤២ វិនាទី មុន

លោក​​ ជា សុផារ៉ា ៖ ការសាងសង់អាងប្រព្រឹត្តកម្មទឹកកខ្វក់ នឹងធ្វើឱ្យឆ្នេរសមុទ្រកម្ពុជាក្លាយជាឆ្នេរស្អាត និងមានបរិស្ថានល្អ

ព័ត៌មានជាតិ៥ នាទី មុន

មេខ្យល់ ប្រុស-ស្រី ៣ នាក់ ដឹកពលករ ២៤ នាក់ខុសច្បាប់ទៅ ថៃ ត្រូវអាវុធហត្ថឃាត់ខ្លួនបញ្ជូនទៅតុលាការ

ព័ត៌មានជាតិ២០ នាទី មុន

អាជ្ញាធរបន្តចែក ឱសថបុរាណចិនជូនពលរដ្ឋ នៅតំបន់បិទខ្ទប់ទាំង ៤សង្កាត់ ក្នុងក្រុងសៀមរាប

ព័ត៌មានជាតិ៥៥ នាទី មុន

កម្ពុជាបានចេញលិខិតអញ្ជើញ ថ្នាក់ដឹកនាំនៃដៃគូ ASEM រួចហើយ ដើម្បីចូលរួមកិច្ចប្រជុំកំពូល ASEM 13

ព័ត៌មានជាតិ១ ម៉ោង មុន

ប្រធានមន្ទីរអប់រំភ្នំពេញអះអាងថា ក្រសួងមិនបានបិទសាលារៀនដូចការផ្សព្វផ្សាយនោះទេ

Sokha Hotels

ព័ត៌មានពេញនិយម

Helistar Cambodia - Helicopter Charter Services