ព័ត៌មានជាតិ
ឯកឧត្ដម ហ៊ុន ម៉ានី ៖ អ្វីដែលបេក្ខជនប្រឡងចូលបម្រើការងារក្នុងក្រសួង-ស្ថាប័ន ត្រូវមាន គឺ សមត្ថភាព
ឯកឧត្ដម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ សង្កត់ធ្ងន់ថា «អ្វីដែលបេក្ខជនប្រឡងចូលបម្រើការងារក្នុងក្រសួង-ស្ថាប័ន ចំនួន ៣ ត្រូវមាន គឺ សមត្ថភាព ក្នុងការប្រឡងប្រជែង ដោយមិនចាំបាច់បារម្ភពីដំណើរការរៀបចំអ្វីទាំងអស់»។
នៅថ្ងៃទី ០១ ខែមីនា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានសរសេរថា ក្រសួងមុខងារសាធារណៈ រៀបចំការប្រឡងប្រជែងជ្រើសរើសមន្ត្រីរាជការលើកទី ៣ ចំនួន ៣ ក្រសួង-ស្ថាប័ន រយៈពេល ៣ ថ្ងៃ ឈរលើគោលការណ៍តែមួយ។
ឯកឧត្ដម ហ៊ុន ម៉ានី សរសេរបន្តថា នាថ្ងៃទី ៣ ទី ៤ និង ទី ៥ ខែមីនា ឆ្នាំ ២០២៤ ខាងមុខនេះ ក្រសួងមុខងារសាធារណៈ នឹងរៀបចំការប្រឡងប្រជែងជ្រើសរើសមន្ត្រីរាជការចំនួន ៣ ក្រសួង-ស្ថាប័ន ដោយឡែកៗ ពីគ្នា រយៈពេល ៣ ថ្ងៃ ដែលនេះជាការប្រឡងប្រជែងជ្រើសរើសមន្ត្រីលើកទី ៣ សម្រាប់អាណត្តិទី ៧។ មិនខុសពីការប្រឡងមុនៗ នោះទេ ការប្រឡងប្រជែង ត្រូវផ្អែកលើគោលការណ៍ គុណាធិបតេយ្យ តម្លាភាព យុត្តិធម៌ បរិយាបន្ន និង ប្រសិទ្ធភាព ដូចមានចែងក្នុងនិយាមនីតិវិធីប្រតិបត្តិសម្រាប់ការជ្រើសរើសមន្ត្រីរាជការដែលរាជរដ្ឋាភិបាលបានដាក់ចេញ។
ឯកឧត្ដម ហ៊ុន ម៉ានី សរសេរបន្ថែមថា ការប្រឡងប្រជែងជ្រើសរើសមន្ត្រីរាជការក្របខ័ណ្ឌ ឲ្យចូលបម្រើការងារក្នុងអង្គភាពប្រឆាំងអំពើពុករលួយ ក្រសួងសាធារណការ និងដឹកជញ្ជូន និងក្រសួងកសិកម្ម រុក្ខាប្រមាញ់ និងនេសាទ ជាការធ្វើសមាហរណកម្មបញ្ជីឈ្មោះបេក្ខជនដែលបានចុះឈ្មោះកាលពីឆ្នាំ ២០២៣ ពោលគឺជាផែនការជ្រើសរើសមន្ត្រីបន្តពីអាណត្តិទី ៦ នៃរដ្ឋសភា ដែលមិនទាន់បានឆ្លងកាត់ការប្រឡងប្រជែង។
ជាមួយគ្នានោះ ឯកឧត្ដម ឧបនាយករដ្ឋមន្ត្រី បានសរសេរបន្ថែមទៀតថា ឯកឧត្ដម សូមយកឱកាសនេះ អរគុណដល់ក្រុមការងារគណៈកម្មការ និងអនុគណៈកម្មការទាំងអស់ ដែលបានបំពេញការងារយ៉ាងសស្រាក់សស្រាំ។ ការបំពេញភារកិច្ចដ៏មានសារៈសំខាន់នេះ ជាការឆ្លើយតបទៅនឹងការអនុវត្តវិធានគន្លឹះក្នុងការកែទម្រង់រដ្ឋបាលសាធារណៈប្រកបដោយភាពម៉ឺងម៉ាត់ និងមានប្រសិទ្ធភាព ក្នុងគោលដៅសម្រេចឲ្យបានទស្សនវិស័យរបស់ សម្ដេចធិបតី នាយករដ្ឋមន្ត្រី ដើម្បីធានាដល់ការផ្ដល់ឱកាសជូនប្រជាពលរដ្ឋបានចូលរួមប្រឡងប្រជែងក្លាយជាមន្ត្រីរាជការស្មើៗ គ្នា ប្រកបដោយភាពកក់ក្ដៅ។ អ្វីដែលបេក្ខជនត្រូវមាន គឺ សមត្ថភាព ក្នុងការប្រឡងប្រជែង ដោយមិនចាំបាច់បារម្ភពីដំណើរការរៀបចំអ្វីទាំងអស់៕
អត្ថបទ ៖ ពិសី
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ