សេដ្ឋកិច្ច
លោកស្រី Mariam Sharman សរសើរកម្ពុជាសហការបានល្អលើគម្រោងនានាជាមួយធនាគារពិភពលោក
លោកស្រី Mariam Sharman នាយិកាធនាគារពិភពលោក ប្រចាំប្រទេសកម្ពុជា ឡាវ និងមីយ៉ាន់ម៉ា បានថ្លែងកោតសរសើរដល់រាជរដ្ឋាភិបាលកម្ពុជា ជាពិសេសក្រសួងសាធារណការ និងដឹកជញ្ជូន ដែលបានសហការល្អជាមួយធនាគារពិភពលោក ទាក់ទងនឹងការអនុវត្តគម្រោងRAMP II ដែលមានដូចជា គម្រោងធ្វើឱ្យប្រសើរឡើងផ្លូវជាតិលេខ៣ គម្រោងធ្វើឱ្យប្រសើរឡើងផ្លូវជាតិលេខ៤ និងផ្លូវជាតិលេខ៧ជាដើម។ ជាពិសេសទៀតនោះ ទាក់ទងនឹងការគ្រប់គ្រងទឹកកខ្វក់ ការដឹកជញ្ជូនបៃតងដោយប្រើថាមពលកើតឡើងវិញនៅទីក្រុងសៀមរាប ច្រករបៀងសេដ្ឋកិច្ចសំខាន់ៗ និងការតភ្ជាប់តំបន់ផងដែរ។ លោកស្រី Mariam Sharman ថ្លែងបែបនេះ នៅក្នុងជំនួបសម្តែងការគួរសមជាមួយរដ្ឋមន្រ្តីក្រសួងសាធារណការ លោក ស៊ុន ចាន់ថុល កាលពីថ្ងៃអង្គារ។
លោក ស៊ុន ចាន់ថុល បានថ្លែងអំណរគុណចំពោះធនាគារពិភពលោកដែលបានផ្ដល់ការគាំទ្រ និងទំនាក់ទំនងល្អលើការងារស្ដារ និងអភិវឌ្ឍហេដ្ឋារចនាសម្ព័ន្ធរូបវន្តនៅកម្ពុជាឱ្យមានការរីកចម្រើន។
លើសពីនេះទៀត លោក ស៊ុន ចាន់ថុល បានស្នើឱ្យធនាគារពិភពលោកពិនិត្យលើជំនួយបច្ចេកទេសលើគម្រោងមួយចំនួនរួមមាន៖ ការកសាងសមត្ថភាពមន្ត្រីក្រសួងសាធារណការ និងដឹកជញ្ជូន កិច្ចសហប្រតិបត្តិការជាមួយរវាងធនាគារពិភពលោកនិងក្រសួងលើការសិក្សាដល់ទីកន្លែងដើម្បីកំណត់ទំហំថវិកាឱ្យបាន ជាក់លាក់សំដៅសាងសង់ផ្លូវឱ្យបានរឹងមាំ និងផែនការមេទាក់ទងទឹកកខ្វក់ទូទាំងប្រទេស និងបានស្នើឱ្យ ធនាគារពិភពលោក បញ្ជូនអ្នកជំនាញការរបស់ខ្លួនមកសិក្សាឱ្យបានច្បាស់លាស់ដើម្បីឈានទៅ បង្កើតផែនការមេចម្រោះទឹកកខ្វក់នេះ។
លោករដ្ឋមន្រ្តី ក៏បានស្នើឱ្យធនាគារពិភពលោកបន្តតាមដានសកម្មភាពរបស់ខ្លួនផងដែរទាក់ទង នឹងគម្រោងទប់ស្កាត់ការដឹកជញ្ជូនលើសទម្ងន់ដែលបានអនុវត្តតាំងពីរយៈពេល១៥ឆ្នាំកន្លងទៅ ជាពិសេស ពិនិត្យនិងប្រៀបធៀបភាពខុសគ្នានៃលក្ខណៈបច្ចេកវិទ្យាកន្លងទៅ និងបច្ចេកវិទ្យាបច្ចុប្បន្ន ដើម្បីចូលរួមបង្ការ ទប់ស្កាត់ការដឹកជញ្ជូនលើសទម្ងន់កម្រិតកំណត់ ដែលបណ្តាលឱ្យផ្លូវឆាប់ខូចមុនអាយុ កាល និងបានស្នើឱ្យធនាធនាគារពិភពលោកពង្រឹងនិងពង្រីកកិច្ចសហប្រតិបត្តិការ និងភាពជាដៃគូជិត ស្និទ្ធទៅថ្ងៃខាងមុខបន្តទៀតនៅក្នុងការអភិវឌ្ឍហេដ្ឋារចនាសម្ព័ន្ធកម្ពុជាឱ្យកាន់តែមានការរីកចម្រើនបន្ថែមទៀត។
នាឱកាសនេះដែរ លោក ស៊ុន ចាន់ថុល បានជម្រាបទៅនាយិកាយិកាធនាគារពិភពលោកថា កម្ពុជា កំពុងរៀបចំគោលនយោបាយ ការគាំទ្រពេញលេញសម្រាប់រថយន្តដើរដោយថាមពលអគ្គិសនី(EVs) និងការធានាឱ្យមានហេដ្ឋារចនាសម្ព័ន្ធទាំងមូលសម្រាប់EVsនៅកម្ពុជា ជាពិសេសស្ថានីយ៍សាកអាគុយ កន្លែងផ្តល់សេវា គ្រឿងបន្លាស់ បុគ្គលិកទទួល ការបណ្តុះបណ្តាល និងសេវាពាក់ព័ន្ធផ្សេងទៀត ដើម្បីទាក់ទាញចំណាប់អារម្មណ៍ប្រជាពលរដ្ឋកម្ពុជា ឱ្យមកពិចារណាលើរថយន្តដើរដោយថាមពលកកើតឡើងវិញ ជំនួសឱ្យរថយន្តដើរដោយឥន្ធនៈ។
សូមជម្រាបថា លោកស្រីនាយិកា Mariam Sharman ទើបទទួលបានការតែងតាំងក្នុងមុខដំណែងដឹកនាំនៅក្នុងធនាគារពិភពលោកប្រចាំកម្ពុជា៕
អត្ថបទ៖ ទួន សុផល
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ