ព័ត៌មានជាតិ
ដើមឆ្នាំ ២០២២ កម្ពុជាសម្រេចបានកិច្ចព្រមព្រៀងពាណិជ្ជកម្មសេរីទ្វេភាគីជាមួយចិន-កូរ៉េ
ឆ្នាំ២០២២ គឺជាឆ្នាំសំណាង ទោះស្ថិតក្នុងវិបត្តិកូវីដ-១៩ក្តី តែកម្ពុជា សម្រេចបានកិច្ចព្រមព្រៀងពាណិជ្ជកម្មសេរីជាមួយប្រទេសធំពីរ គឺប្រទេសចិន និងកូរ៉េ។ ជាមួយគ្នានេះដែរ កម្ពុជា ក៏បានចូលជាធរមាននូវកិច្ចព្រមព្រៀងគ្រប់ជ្រុងជ្រោយ ហៅថា (RCEP)ផងដែរ។
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជា មើលឃើញថា កិច្ចព្រមព្រៀងពាណិជ្ជកម្មសេរីទ្វេភាគី ដែលកម្ពុជា ទើបតែទទួលបានជាមួយប្រទេសទាំងពីរ(ចិន និងកូរ៉េ)នេះ ជាសញ្ញាល្អសម្រាប់សេដ្ឋកិច្ចកម្ពុជា នាថ្ងៃអនាគត។
លោកបណ្ឌិតបន្តថា កិច្ចព្រមព្រៀងពាណិជ្ជកម្មសេរីនេះ បានជួយឲ្យទំនិញកម្ពុជា ចរាចរណ៍ចូលទៅក្នុងប្រទេសផ្សេងៗកាន់តែមានភាពងាយស្រួល។ លោកបន្ថែមថា« អ្វីដែលក្រុមចរចានៅក្នុងពាណិជ្ជកម្មសេរីបានធ្វើ គឺសម្រាប់ជំរុញផលិតកម្មទាំងឡាយណា ដែលយើងផលិតមានបរិមាណច្រើន ហើយយើងរកទីផ្សារមិនបាន អ៊ីញ្ចឹងវាជាឱកាសបង្កើតទីផ្សារ នៅពេលដែលយើងបង្កើតទីផ្សារលើកទឹកចិត្តឲ្យកសិករ លើកទឹកចិត្តឲ្យអ្នកផលិតនៅក្នុងប្រទេសយើងបង្កើនការផលិត ដូច្នេះវាបានរូមចំណែកផលិតច្រើនជាងមុន បង្កើតការងារក៏ច្រើនជាងមុន ជំរុញការនាំចេញកាន់តែច្រើនផងដែរ»។
ជាក់ស្តែងលោកបណ្ឌិត គី សេរីវឌ្ឍន៍ បានលើកឡើងថា ទំហំពាណិជ្ជកម្មរវាងកម្ពុជាចិន បានកើនឡើងខ្ពស់ តាមរយៈការនាំចូលច្រើនជាងការនាំចេញ។ លោកបញ្ជាក់ថា កម្ពុជា នាំចូលទំនិញពីប្រទេសចិនទំហំទឹកប្រាក់ប្រមាណ ៧ពាន់លានដុល្លារ ចំណែកការនាំចេញចំនួនជាង ១ពាន់លានដុល្លារ ពោលគឺកំណើននៃការនាំចូលមាន ១៦ភាគរយ រីឯការនាំចេញមាន ១៩ភាគរយ។ បើទោះជាកំណើននៃការនាំចូលខ្ពស់ជាងការនាំចេញក៏ដោយ ប៉ុន្តែកំណើននៃការនាំចេញពីកម្ពុជាទៅចិន ក៏បន្តកើនឡើងជាបណ្តើរៗដែរ។
ចំណែកការផ្លាស់ប្តូរពាណិជ្ជកម្មទ្វេភាគីកម្ពុជា និងកូរ៉េ ក្នុងឆ្នាំ ២០២១ សម្រេចបានក្នុងទឹកប្រាក់សរុបជិត ៨៧០ លានដុល្លារ។ ក្នុងនោះការនាំចេញពីកម្ពុជាទៅទីផ្សារប្រទេសកូរ៉េក្នុងរយៈពេល ១១ ខែ ឆ្នាំ ២០២១ មានទឹកប្រាក់ ៣០៩,០៧ លានដុល្លារ កើន ៥,៩ ភាគរយ និងការនាំទំនិញពីកូរ៉េ មកកម្ពុជាមានទឹកប្រាក់ ៥៦០,៦៦ លានដុល្លារ កើន ១០,៥ ភាគរយ។
អ្នកជំនាញសេដ្ឋកិច្ចរូបនេះ បានកោតសរសើររាជរដ្ឋាភិបាល ដែលតែងតែព្យាយាមបើកប្រទេសឲ្យកាន់តែទូលាយ។ កម្ពុជា បានធ្វើពាណិជ្ជកម្មសេរីជាមួយប្រទេសចិន កូរ៉េ ហើយកម្ពុជានៅតែបន្តបើកចំហច្រកជាមួយបណ្តាប្រទេសទាំងអស់នៅលើពិភពលោក។ លើសពីនេះទៀត កម្ពុជា ក៏នៅតែចូលរួមជាមួយប្រទេសនៅក្នុងតំបន់អាស៊ាន នៅក្នុងអនុតំបន់ទន្លេមេគង្គ និងចូលក្នុង WTO ផងដែរ។
ជាការពិតណាស់ កិច្ចព្រមព្រៀងពាណិជ្ជកម្មសេរី ជាមួយប្រទេសណាក៏ដោយ គឺជាសញ្ញាល្អ ហើយការបើកចំហជើងមេឃរបស់កម្ពុជា ក៏ជាសញ្ញាល្អ ដែលមិនរើសអើង និងចាប់យកមិត្តទាំងអស់។ នេះជាទស្សនរបស់លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជា៕ ដោយ៖ ទួន សុផល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង