Connect with us

សេដ្ឋកិច្ច

ឥណ្ឌា ផ្តល់ឥណទាន ១ពាន់លានដុល្លារ​តភ្ជាប់គម្រោងផ្លូវល្បឿនលឿន​ត្រីភាគី ឥណ្ឌា មីយ៉ាន់ម៉ា ថៃ មកកម្ពុជា

បានផុស

នៅ

គម្រោងផ្លូវល្បឿនលឿនត្រីភាគី ឥណ្ឌា មីយ៉ាន់ម៉ា ថៃ ក្រោមកិច្ចសហប្រតិបត្តិការមេគង្គ-គង្គានឹងតភ្ជាប់មកកម្ពុជា នាពេលខាងមុខនេះ ដោយឥណ្ឌានឹងផ្ដល់នូវឥណទានចំនួន១ពាន់លានដុល្លារ ដល់ប្រទេសកម្ពុជា សម្រាប់កិច្ចសហប្រតិបត្តិការលើគម្រោងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបញ្ជាក់របស់លោក ណារិនដ្រា​ ម៉ូឌី នាយករដ្ឋមន្រ្តីឥណ្ឌា នៅក្នុងកិច្ចប្រជុំតាមរយៈ Video conference ជាមួយសម្តេចតេជោ ហ៊ុន សែន កាលពីថ្ងៃទី ១៨ ខែ ឧសភា។

លោកនាយករដ្ឋមន្រ្តីឥណ្ឌា បានបន្ថែមថា គម្រោងនេះ ពិតជាសមស្របជាមួយនឹងផែនការមេ ក្នុងការតភ្ជាប់មកអាស៊ាន។

សម្តេចតេជោ ហ៊ុន សែន បានថ្លែងអំណរគុណចំពោះប្រទេសឥណ្ឌា ដែលបានផ្តល់ឱ្យកម្ពុជា តាមរយៈគម្រោងទទួលផលឆាប់រហ័ស ក្រោមគំនិតផ្តួចផ្តើមនៃកិច្ចសហប្រតិបត្តិការមេគង្គ-គង្គា ជាពិសេសលើវិស័យកសិកម្ម បរិស្ថាន សុខាភិបាល ការអប់រំ ការអភិវឌ្ឍជនបទ ការលើកកម្ពស់សិទ្ធិស្ត្រី និងវប្បធម៌។ ​សម្ដេចតេជោ ស្នើសុំឱ្យឥណ្ឌាបន្តការគាំទ្រសំណើគម្រោងឆាប់ទទួលបានផលរបស់កម្ពុជាបន្ថែមទៀត ដល់បណ្ដាឆ្នាំខាងមុខ។

ជាមួយគ្នានេះ សម្តេចតេជោ ហ៊ុន សែន បានមានប្រសាសន៍អំពីការបង្កើតទំនាក់ទំនងការទូតឡើងវិញរវាងកម្ពុជា និងឥណ្ឌាតាំងពី១៩៨១ ក្រោយអាក់ខានមួយរយៈ ដោយសារសង្គ្រាម។ ឥណ្ឌា គឺជាប្រទេសកាន់លទ្ធិប្រជាធិបតេយ្យទីមួយ លើពិភពលោក ដែលប្រកាសទទួលស្គាល់កម្ពុជា និងបង្កើតទំនាក់ទំនងការទូតជាមួយកម្ពុជា។

គិតមកដល់ពេលនេះ កម្ពុជា និងឥណ្ឌាមានទំនាក់ទំនងជាមួយគ្នាជាង ៧០ឆ្នាំមកហើយ ដែលប្រទេសទាំងពីរ បានឯកភាពគ្នានៅក្នុងការប្រារព្ធខួបលើកទី៧០ ដោយធ្វើសកម្មភាពរួមគ្នាដើម្បីអបអរសាទរ នៃការភ្ជាប់ទំនាក់ទំនងការទូតជាមួយគ្នាក្នុងស្មារតី សាមគ្គីភាពនិងកិច្ចសហការ រវាងប្រទេស និងប្រជាជននៃទាំងពីរផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម