សេដ្ឋកិច្ច
អ្នកធុរកិច្ចបារាំង មើលឃើញថា កម្ពុជាមានចំណុចល្អច្រើន សម្រាប់ការវិនិយោគ
អ្នកធុរកិច្ចបារាំង មើលឃើញថា ប្រទេសកម្ពុជា មានចំណុចល្អច្រើន សម្រាប់ការវិនិយោគ និងរកស៊ី ដោយកម្ពុជា មានគោលនយោបាយវិនិយោគអំណោយផល និងការរៀបចំឲ្យមានវេទិការវាងស្ថាប័នសាធារណៈ ជាមួយវិស័យឯកជនជាដើម។
លោក Arnaud Darc ប្រធានសភាពាណិជ្ជកម្មអឺរ៉ុបនៅកម្ពុជា មានប្រសាសន៍ក្នុងសន្និសីទសារព័ត៌មាន កាលពីព្រឹកថ្ងៃទី ១ ខែមិថុនានេះថា ប្រទេសកម្ពុជា មានចំណុចល្អជាច្រើន សម្រាប់អ្នកវិនិយោគ និងអ្នករកស៊ី ដោយលោកថា កាលពីមុនមានតិច ហើយក្រោយមកចំណុចល្អ មានកាន់តែច្រើនឡើងពីមួយឆ្នាំទៅមួយឆ្នាំ។
សម្រាប់លោក Arnaud Darc ដែលជាអ្នកធុរកិច្ចមួយរូបដែរនោះ បានមើលឃើញថា ចំណុចល្អទីមួយ គឺគោលនយោបាយវិនិយោគរបស់កម្ពុជា មានភាពអំណោយផលដល់វិនិយោគិនបរទេស។ ចំណុចល្អទីពីរ គឺការរៀបចំឲ្យមានវេទិការវាងស្ថាប័នសាធារណៈ ជាមួយវិស័យឯកជនដើម្បីពិភាក្សាគ្នា និងស្វែងរកដំណោះស្រាយ ទៅលើបញ្ហាធុរកិច្ចដែលកើតមាន។ ចំណុចល្អទីបី ប្រទេសកម្ពុជា ជាកន្លែងល្អសម្រាប់អ្នកវិនិយោគបរទេស ពីព្រោះនៅពេលវិនិយោគនៅកម្ពុជាហើយ អាចពង្រីកទៅប្រទេសផ្សេងទៀតក្នុងតំបន់អាស៊ាន ដោយប្រទេសកម្ពុជាជាគោល។
ចំណែកលោក Soreasmey Ke Bin ប្រធានសភាពាណិជ្ជកម្ម និងឧស្សាហកម្មបារាំង-កម្ពុជា បានលើកឡើងដែរថា អ្នកជំនួញមកពីប្រទេសបារាំង គឺបានចាត់ទុកប្រទេសកម្ពុជា មិនត្រឹមតែជាទីផ្សារមួយប៉ុណ្ណោះទេ ថែមទាំងជាប្រទេសដែលមានទំនាក់ទំនង ជាមួយប្រទេសបារាំងជាយូរយារណាស់មកហើយ។
លោកថា «សម្រាប់អ្នកធុរកិច្ចមកពីបារាំងផ្ទាល់ ជាក់លាក់មកពីបារាំងតែម្ដង ប្រទេសកម្ពុជា គឺមិនត្រឹមតែជាទីផ្សារមួយទេ ក៏ប៉ុន្តែជាប្រទេសមួយ ជាប្រជាជនមួយដែលធ្លាប់មាន គេហៅថាជាមានប្រវត្តិជាមួយគ្នាច្រើន ជាការចូលរួមពីប្រទេសបារាំង នៅក្នុងប្រទេសកម្ពុជាយើង គឺមានប្រវត្តិយូរមកហើយជាមួយគ្នា ហើយក៏សូម្បីប្រជាជនខ្មែរ ក៏ស្គាល់បារាំងច្រើន ចេះនិយាយភាសាបារាំង ស្គាល់ម៉ាកយីហោរបស់បារាំង មានខ្មែររស់នៅបារាំងក៏ច្រើន ចឹងគឺយើងមានទំនាក់ទំនងគ្នាមកច្រើនហើយ ក្នុងរយៈពេលកន្លងមកហ្នឹង»។
លោក Soreasmey Ke Bin បានលើកឡើងបន្តថា អ្វីដែលសភាពាណិជ្ជកម្ម និងឧស្សាហកម្មបារាំង-កម្ពុជា ចង់បាននៅក្នុង «វេទិកាធុរកិច្ចកម្ពុជា-បារាំង» ដែលនឹងធ្វើនៅថ្ងៃទី ៩ និងទី ១០ ខែមិថុនាខាងមុខនេះ គឺការពង្រឹងកិច្ចសហប្រតិបត្តិការលើផ្នែកធុរកិច្ច ឲ្យកាន់តែរឹងមាំបន្ថែមទៀត។
ទោះជាបែបណាក៏ដោយ សម្រាប់អ្នកធុរកិច្ចបារំាង មើលឃើញថា ប្រទេសកម្ពុជា នៅមានចំណុចខ្វះខាតមួយចំនួន ដូចជា៖ បញ្ហាហេដ្ឋារចនាសម្ព័ន្ធ, បញ្ហាប្រជាជននៅមានចំនួនតិចនៅឡើយ បើប្រៀបធៀបជាមួយប្រទេសវៀតណាម និងថៃជាដើម៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»