សេដ្ឋកិច្ច
៥ ខែដើមឆ្នាំ កម្ពុជាបញ្ជូនពលករ ១៥ ០០០ នាក់ទៅធ្វើការនៅប្រទេសថៃ
រយៈពេល ៥ ខែដើមឆ្នាំ ២០២២ កម្ពុជាបានបញ្ជួនពលករប្រមាណ ១៥ ០០០ នាក់ទៅធ្វើការនៅតាមបណ្តារោងចក្រនានានៅប្រទេសថៃ។
លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជាបានឱ្យដឹងនៅរសៀលថ្ងៃទី០៤មិថុនានេះថា កម្ពុជាបានចាប់ផ្តើមបញ្ជួនពលករស្របច្បាប់ទៅធ្វើការនៅប្រទេសថៃឡើងវិញនៅក្នុងខែ មករា ឆ្នាំ២០២២ បន្ទាប់ពីប្រទេសថៃបានបើកទទួលពលករបរទេសឡើងវិញ ពិសេសប្រទេសមួយចំនួននៅតាមតំបន់អាស៊ានដូចជា ឡាវ ភូមា និងកម្ពុជា។
នៅក្នុងរយៈពេល៥ខែដើមឆ្នាំ២០២២នេះកម្ពុជាបានបញ្ជួនពលករប្រមាណ ១៥ ០០០ នាក់ទៅធ្វើការនៅតាមបណ្តារោងចក្រនានានៅប្រទេសថៃ ដោយពួកគាត់ទៅធ្វើផ្នែករោងចក្រចំណីអារហារ សំណង់ សេវាកម្ម និងកសិកម្ម។
លោក អន ប៊ុនហាក់ បានបន្តទៀតថា អាជ្ញាធរថៃលែងតម្រូវឱ្យពលករខ្មែរទៅធ្វើការនៅប្រទេសរបស់ខ្លួនដោយស្របច្បាប់ ធ្វើចត្តាឡីស័ករយៈពេល៧ថ្ងៃដូចមុនទៀតហើយ ពោលគឺគ្រាន់តែធ្វើតេស្តរហ័សប៉ុណ្ណោះ ដោយសារប្រទេសកម្ពុជាជាប្រទេសដែលមានហានិភ័យទាបបំផុតពោលត្រូវបានគេចាត់ទុកជាប្រទេសមានឆ្លងមេរោគកូវីដ១៩ តិចតួចបំផុតឬគ្មានឆ្លង។
លោក អន ប៊ុនហាក់ បានបន្ថែមថា ក្នុងករណីពលករធ្វើតេស្តរហ័ស អវិជ្ជមាន នឹងអាចចូលទៅធ្វើការបាននៅតាមរោងចក្រនានាតែម្តង ខណៈកាលពីមុនពលករខ្មែរដែលត្រូវទៅធ្វើការនៅប្រទេសថៃត្រូវធ្វើតេស្តរកជំងឺកូវីដ-១៩ រយៈពេល ៧២ ម៉ោង តាមម៉ាស៊ីន PCR ឬតេស្តរហ័សដែលធ្វើដោយគ្រូពេទ្យជំនាញ ដើម្បីបញ្ជាក់វិញ្ញាបនបត្រថាមិនមានឆ្លងជំងឺកូវីដ-១៩។ ពេលធ្វើការទៅដល់ព្រំដែនថៃត្រូវធ្វើតេស្តម្តងទៀត ហើយបើលទ្ធផលតេស្តអវិជ្ជមានត្រូវបន្តធ្វើចត្តាឡ័ស័ករយៈពេល ៧ថ្ងៃ និងថ្ងៃទី៧ត្រូវធ្វើតេស្តម្តងទៀត បើលទ្ធផលនៅអវិជ្ជមានទៀត ទើបអនុញ្ញាតឱ្យទៅរោងចក្រធ្វើការ។ ក្នុងករណីមានវិជ្ជមានកូវីដ-១៩ ត្រូវបញ្ជួនទៅកន្លែងព្យាបាលហើយរាល់ការចំណាយទៅលើការព្យាបាលជាបន្ទុករបស់និយោជកថៃទាំងស្រុង។
លោក អន ប៊ុនហាក់ បានបញ្ជាក់ថា ការលើកលែងការធ្វើចត្តាឡីស័កនេះ ជួយកាត់បន្ថយការចំណាយដ៏ធំរបស់និយោជកថៃក្នុងការទទួលយកពលករ ព្រោះថាក្នុងចំណោមពលករម្នាក់ថៅកែថៃត្រូវចំណាយប្រមាណ១ម៉ឺនបាតប្រហាក់ប្រហែល ៣០០ ដុល្លារអាមេរិក និងជួយជំរុញឱ្យនិយោជកថៃបង្កើនចំនួនក្នុងការទទួលយកពលករខ្មែរដោយរំពឹងថានឹងអាចបញ្ជួនទៅក្នុង១ខែពី១ម៉ឺននាក់ទៅ១៥ ០០០នាក់ដូចមុនកំលុងពេលផ្ទុះជំងឺកូវីដ១៩។
យោងតាមរបាយការណ៍របស់ក្រសួងការងារនិងបណ្តុះបណ្តាលវិជ្ជាជីវៈបានឱ្យដឹងថាបច្ចុប្បន្ននេះកម្ពុជាមានពលករកំពុងធ្វើការងារនៅប្រទេសថៃមានចំនួន ១ ២២០ ១៩៧នាក់ដោយធ្វើលើផ្នែកសំណង់កសិកម្ម នេសាទនិងរោងចក្រចំណីអាហារ៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល