សេដ្ឋកិច្ច
ក្រុមហ៊ុនក្នុងវិស័យទេសចរណ៍បើកឡើងវិញខ្ទង់ ៤០ភាគរយ ក្នុងចំណោមក្រុមហ៊ុនជាង ៧០០
ក្រុមហ៊ុនក្នុងវិស័យទេសចរណ៍ជាង ៧០០ក្រុមហ៊ុន នៅកម្ពុជា រងផលប៉ះពាល់ធ្ងន់ធ្ងរពីវិបត្តិកូវីដ-១៩ អស់រយៈពេលជាង ២ឆ្នាំ។
ក្រោយជំងឺកូវីដ-១៩ បានស្រាកស្រាន្ត ដោយសារការខំប្រឹងប្រែងរបស់រាជរដ្ឋាភិបាលកម្ពុជា ក្នុងការសម្រុកចាក់វ៉ាក់សាំងជូនពលរដ្ឋ ពីដូសទី១ រហូតដល់ដូសជំរុញទី៥ ទប់ស្កាត់ការឆ្លងរាលដាលបាន ១០០ភាគរយ ដោយពុំមានអ្នកឆ្លងថ្មីជាង ១ខែមកនេះ ក្រុមហ៊ុនក្នុងហ៊ុនក្នុងវិស័យទេសចរណ៍ក្នុងចំណោម ៧០០ក្រុមហ៊ុន បានបើកដំណើរការឡើងវិញខ្ទង់ ៤០ភាគរយហើយ។ នេះបើតាមលោកការបញ្ជាក់របស់លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា។
ថ្លែងប្រាប់កម្ពុជាថ្មី លោកស្រី ឆាយ ស៊ីវលីន បានឱ្យដឹងថា ការវិលត្រឡប់មកវិញនូវក្រុមហ៊ុនក្នុងវិស័យទេសចរណ៍នេះ ក្រោយពេលរាជរដ្ឋាភិបាលដោះចេញការរិតត្បិតទាំងអស់ ហើយជាមួយគ្នានេះ ប្រទេសផ្សេងៗ ក៏ព្យាយាមបើកឡើងវិញផងដែរ។ លោកស្រីបន្តថា« បើកាលណាបើកប្រទេស អ្នកធ្វើដំណើរទេសចរ ដែលជាប់គាំងយូរហើយ ព្យាយាមចេញដើរកម្សាន្ត ដូច្នេះកម្ពុជា គឺជាគោលដៅមួយ ដែលគេធ្វើការពិចារណាចូលមកកម្សាន្ត ដោយសារកម្ពុជា បានទប់ស្កាត់ការរីករាលដាលនៃជំងឺកូវីដ-១៩ បាន ១០០ភាគរយ»។
លោកស្រី បានបន្ថែមថា ក្រោយមើលឃើញពីសន្ទុះនៃភ្ញៀវទេសចរកើនឡើងជាលំដាប់ បន្ទាប់ពីបើកប្រទេសឡើងវិញ ក្រុមហ៊ុនក្នុងវិស័យនេះ ដូចជា អាហារដ្ឋាន ទីភ្នាក់ងារទេសចរណ៍ សហគមន៍ទេសចរណ៍ សេវាកម្មស្នាក់នៅ មគ្គទេសក៍ចរណ៍ ដែលបានផ្អាកជាច្រើនខែមកហើយ ក៏ចាប់ផ្តើមដំណើរការជាបណ្តើរៗផងដែរ។
រដ្ឋមន្រ្តីទេសចរណ៍លោក ថោង ខុន បានឱ្យដឹងកាលពីដើមសប្តាហ៍នេះថា ភ្ញៀវទេសចរ បានចេញកម្សាន្តនៅទូទាំងប្រទេសប្រមាណជាង ៣៦ម៉ឺននាក់ នៅសប្តាហ៍ទី៣នៃខែ មិថុនា ពោលគឺកើនឡើង ១១.៤៥ភាគរយ បើធៀបនឹងសប្តាហ៍កន្លងទៅ។ ការកើនឡើងជាបន្តបន្ទាប់នេះ ឆ្លុះបញ្ចាំងពីកំណើនវិស័យទេសចរណ៍ នឹងវិលត្រឡប់ទៅដូចដើម កាលពីមុនកូវីដ-១៩ ជាពិសេសជួយដល់ធនធានមនុស្ស ដែលបម្រើការក្នុងវិស័យនេះឱ្យមានស្ថានភាពល្អប្រសើរឡើងិវិញ ស្របពេលដែលកម្ពុជា រំពឹងកំណើនសេដ្ឋកិច្ចក្នុងអត្រា ៥,៤ ភាគរយឆ្នាំ ២០២២ និង ៦,៦ នៅឆ្នាំ ២០២៣ ខាងមុខ៕ ទួន សុផល
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៦ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore