Connect with us

សេដ្ឋកិច្ច

តើប្រភពចំណូលសំខាន់ៗរបស់ជាតិបានមកពីណាខ្លះ?

បានផុស

នៅ

តើរដ្ឋាភិបាលបានចំណូលមកពីប្រភពណាខ្លះ សម្រាប់ធ្វើការអភិវឌ្ឍ ប្រទេសជាតិ? ជាធម្មតា ដើម្បីទទួលបានចំណូល តម្រូវឱ្យមនុស្សម្នាក់ៗធ្វើកិច្ចការងារ ឬអាជីវកម្មរកស៊ី ទើបទទួលបានចំណូលសម្រាប់ជីវភាពរស់នៅប្រចាំថ្ងៃ។ ចំណែករដ្ឋាភិបាលវិញ តើចំណូលបានមកពីណា ខ្លះសម្រាប់ធ្វើការទ្រទ្រង់សេដ្ឋកិច្ចរបស់ជាតិទាំងមូល បើក្នុងរបបសេដ្ឋកិច្ចទីផ្សារសេរី គឺមិនអនុញ្ញាតឱ្យ រដ្ឋាភិបាលធ្វើអាជីវកម្មផង?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាក្នុងរបរសេដ្ឋកិច្ចទីផ្សារសេរី ការធ្វើពាណិជ្ជកម្មរកស៊ី តម្រូវឱ្យមានលក្ខណៈឯកជនដែលមាន ពួកមូលធន​ធ្វើការវិនិយោគក៏ដោយ ប៉ុន្តែផ្នែកខ្លះគឺតម្រូវឱ្យរដ្ឋាភិបាលគ្រប់គ្រងដោយផ្ទាល់ ហើយផ្នែកខ្លះ ទៀតក៏ត្រូវបានរដ្ឋគ្រប់គ្រងដោយប្រយោល ហើយការវិយោគពីសំណាក់ពួកមូលធននៅតែជាភាពចាំបាច់ សម្រាប់ប្រទេសជាតិនីមួយៗ។

ភ្ជាប់ទៅកាន់ប្រធានបទវិញ ក្នុងនោះ ប្រភពចំណូលសំខាន់ៗសម្រាប់ធ្វើការទ្រទ្រង់សេដ្ឋកិច្ចរបស់រដ្ឋ គឺ បានមកពី៖

ចំណូលចរន្ត៖ ជាចំណូលដែលទទួលបានជារៀងរាល់ឆ្នាំ តាមកាលកំណត់របស់រដ្ឋាភិបាល។​​ ចំណូលចរន្ត គឺពិតជាសំខាន់ណាស់សម្រាប់ជាតិ។ក្នុងនោះ ចំណូលចរន្ត រួមមាន៖

ចំណូលសារពើពន្ធ​ សម្តៅដល់ចំណូលពន្ធ អាករ ទាំងអស់ ដែលរដ្ឋាភិបាលប្រមូលបានជា ប្រចាំឆ្នាំតាមកាលកំណត់ ដែលមានសារៈសំខាន់ណាស់សម្រាប់ជាតិ។ (តាមរយៈពន្ធគយ និងពន្ធដារ)។

ចំណូលមិនមែនសារពើពន្ធ ជាចំណូលបានមកពីការលក់ទ្រព្យសម្បត្តិរដ្ឋ ឬក៏ជួលទៅឱ្យវិនិយោគគិនជាតិ ឬអន្តរជាតិ ដូចជាការសម្បទានក្នុងរយៈពេលកំណត់ ណាមួយ។

ចំណូលមូលធន៖ ជាចំណូលដែលបានមកពីប្រភពក្នុង និងខាងក្រៅប្រទេសដែលរួមមាន៖

ជំនួយឥតសំណង និងកម្ចី ដែលកម្ពុជាទទួលបានពីប្រទេសផ្សេងៗសម្រាប់ធ្វើការអភិវឌ្ឍ ក្នុងវិស័យណាមួយ។

ជំនួយឥតសំណង និងកម្ចី ដែលកម្ពុជាទទួលបានពីស្ថាប័នហិរញ្ញវត្ថុអន្តរជាតិនានា រួមមានដូចជា៖ ធនាគារអភិវឌ្ឍន៍អាស៊ី (ADB) ធនាគារពិភពលោក (World Bank) មូលនិធិរូបិយវត្ថុអន្តរជាតិ (IMF) ជាដើម។

គួរបញ្ជាក់ថា តាមរបាយការណ៍របស់អគ្គនាយកដ្ឋានពន្ធដារ កម្ពុជាប្រមូលពន្ធបានប្រមាណជិត ២,៨០០ លានដុល្លារ ចំណែកពន្ធគយ និងរដ្ឋាករវិញ ប្រមូលបានជិត ២,៣០០ លានដុល្លារ សម្រាប់ឆ្នាំ ២០២១ កន្លងទៅ៕

អត្ថបទ៖ នាង រតនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២១ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៤ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤៨ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម