ថៃ អាចវ៉ា អាមេរិក និងអាល្លឺម៉ង់ ជាប្រទេសនាំចេញចំណីសត្វធំបំផុតរបស់​ពិភពលោក

ប្រទេសថៃអាចរុញច្រានសហរដ្ឋអាមេរិក និងអាល្លឺម៉ង់ ឲ្យធ្លាក់ចេញពីតំណែង ជាអ្នកផ្គត់ផ្គង់ចំណីសត្វចិញ្ចឹមធំបំផុតរបស់ពិភពលោក ហើយថៃនឹងឡើងកាន់កាប់ជំនួសវិញ នាពេលខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយចាប់តាំងពីខែមករា ដល់ខែកញ្ញា ការនាំចេញចំណីសត្វចិញ្ចឹមរបស់ថៃ មានកំណើនដល់ ៧៤.៩៧ ពាន់លានបាត ដែលជាការកើន ៣៤.៤ ភាគរយ ពីមួយឆ្នាំទៅមួយឆ្នាំ ហើយក៏ជាការកើនឡើង ៣៧ ខែជាប់ៗគ្នាផងដែរ ។

រដ្ឋមន្ត្រីក្រសួងពាណិជ្ជកម្មថៃលោក Jurin Laksanawisit បាននិយាយថា ថៃអាចនឹងក្លាយជាអ្នកផ្គត់ផ្គង់ធំបំផុតឆាប់ៗខាងមុខ ដោយសារចំណីសត្វចិញ្ចឹមរបស់ខ្លួន គឹមានកម្រិតស្តង់ដានៃទីផ្សារអន្តរជាតិ ក៏ដូចជាបានការគាំទ្រពីរដ្ឋាភិបាល និងកិច្ចសហប្រតិបត្តិការយ៉ាងជិតស្និទ្ធរវាងក្រសួង និងសមាគមពាណិជ្ជកម្មចំណីសត្វថៃ [TPFA] ។

គួរបញ្ជាក់ថា បច្ចុប្បន្ន អាមរិក គឺជាអ្នកផ្គត់ផ្គង់ចំណីសត្វចិញ្ចឹមធំជាងគេរបស់ពិភពលោក ដែលតាមពីក្រោយ ដោយអាល្លឺម៉ង់ ខណៈប្រទេសថៃ ស្ថិតនៅលេខរៀងទី ៣ ៕

ប្រែសម្រួលដោយ ៖ នាង រតនៈ

ប្រភព ៖ The Nations Thailand

ចុចអាន ៖ ថៃ សង្ឃឹមទទួលបានភ្ញៀវទេសចរ សិង្ហបុរី ជាង ៥០ ម៉ឺននាក់ក្នុងឆ្នាំនេះ