Connect with us

សេដ្ឋកិច្ច

ក្រុមហ៊ុនវិនិយោគ និងរោងចក្រធំៗ មានជាង ៧០០ មូលដ្ឋាន នៅខេត្តបាត់ដំបង

បានផុស

នៅ

ក្រុមហ៊ុនវិនិយោគ និងរោងចក្រធំៗ នៅខេត្តបាត់ដំបង មានដូចជា រោងម៉ាស៊ីនកិនស្រូវ រោចចក្រកែច្នៃដំឡូងមី និងពោត រោងចក្រស៊ីម៉ង់ត៍ រោងចក្រផលិតថ្នាំពេទ្យ រោងចក្រកែច្នៃក្រដាស រោងចក្រស្បែកជើង និងរោងចក្រសហគ្រាស គ្រឹះស្ថានផ្សេងៗទៀត​ សរុបចំនួន ៧៣៦មូលដ្ឋាន ដែលបានផ្តល់ការងារដល់កម្មករចំនួន ១៤ ៩៧៣នាក់។ នេះបើតាមរបាយការណ៍សង្ខេបស្តីពីភាពជោគជ័យក្នុងរយៈពេល ៥ឆ្នាំ របស់រដ្ឋាបាលខេត្តបាត់ដំបូង នៅថ្ងៃទី ២៤ ខែ មករា ឆ្នាំ ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដដែល បានឱ្យដឹងថា ដោយសារខេត្តបាត់ដំបង មានព្រំប្រទល់ជាប់នឹងខេត្តមួយចំនួនរបស់​ប្រទេសថៃ ដែលនេះជាកត្តាអំណោយផលមួយ ដល់ការដោះដូរ ដឹកជញ្ជូនទំនិញ ការធ្វើពាណិជ្ជកម្ម ការធ្វើដំណើរចេញ ចូល ទេសចរណ៍ ការធ្វើកិច្ចសហប្រតិបត្តិការ និងបានជួយជំរុញដល់កំណើនសេដ្ឋកិច្ចរបស់ខេត្តផងដែរ។

បើតាមរបាយការណ៍ ទំនិញនាំចេញពីខេត្តបាត់ដំបងទៅថៃ ភាគច្រើនជាផលិតផលកសិកម្ម មានដូចជា ពោតក្រហម ដំឡូងមី ស្វាយកែវល្មៀត និងនាំចូលពីថៃមកវិញ ភាគច្រើនជាគ្រឿងសំណង់ សម្ភារប្រើប្រាស់ គ្រឿងសង្ហារឹម ភេសជ្ជៈ និងគ្រឿងឧបភោគបរិភោគ។

ថ្មីៗនេះ ក៏មានក្រុមហ៊ុនជប៉ុនមួយ គ្រោងបង្កើតរោងចក្រកែច្នៃផលិតផលកសិកម្ម នៅខេត្តបាត់ដំបង សម្រាប់នាំចេញផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម