Connect with us

សេដ្ឋកិច្ច

លោក គី សេរីវឌ្ឍន៍៖ ២០២៥ ចិន នឹងវិនិយោគខ្លាំងលើវិស័យសេវាកម្ម និងឧស្សាហកម្មគ្រឿងអេឡិកត្រូនិកនៅកម្ពុជា

បានផុស

នៅ

អ្នកជំនាញផ្នែកសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានព្យាករថា នៅក្នុងឆ្នាំ២០២៥ អ្នករកស៊ីចិន នឹងវិនិយោគក្នុងប្រទេសកម្ពុជាលើវិស័យសេវាកម្ម និងវិស័យឧស្សាហកម្មគ្រឿងអេឡិកត្រូនិក ជាជាងការវិនិយោគលើវិស័យអចលនទ្រព្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានកត្តា២យ៉ាងដែលនាំឱ្យលោកបណ្ឌិត គី សេរីវឌ្ឍន៍ ព្យាករបែបនេះ។ កត្តាទី១ គឺបណ្តាលមកពីពិភពលោកមានវិបត្តិកូវីដ-១៩ ជាប់គាំងសេដ្ឋកិច្ច មនុស្សស្ថិតនៅក្នុងវិបត្តិមួយដែលអាចប៉ះពាល់ដល់បញ្ហាផ្លូវចិត្ត។ កត្តាទី២ គឺសំណង់អគាររបស់ចិនដែលនៅជាប់គាំងក្នុងខេត្តព្រះសីហនុ មានច្រើនដែលមិនទាន់បានប្រើប្រាស់ ដូច្នេះ ចិននឹងកែច្នៃអគារទាំងនោះ និងទាញយកប្រយោជន៍ពីវិស័យសេវាកម្មត្រឡប់មកវិញ។

លោកបានបន្តថា វិស័យបន្ទាប់ គឺវិស័យឧស្សាហកម្មគ្រឿងអេឡិកត្រូនិក ដែលត្រូវបង្វែរការផលិតគ្រឿងអេឡិកត្រូនិកពីប្រទេសចិនមកកម្ពុជា។ លោកមានប្រសាសន៍ថា៖ “ចិន នឹងក្លាយទៅជាប្រទេសលែងផលិតគ្រឿងអេឡិកត្រូនិក។ មួយចំនួនធំនោះ គឺបានចូលមកវៀតណាមរួចទៅហើយ អ៉ីចឹងនៅសល់មួយចំនួនទៀត នឹងព្រលែងមកដល់ប្រទេសកម្ពុជា ដែលកម្ពុជាត្រូវតែត្រៀមខ្លួន សម្រាប់ការបណ្តុះកម្លាំងពលកម្មរបស់យើងឱ្យមានវិជ្ជាជីវៈទៅលើវិស័យអេឡិកត្រូនិក និងមេកាត្រូនិក”។

បើតាមលោកបណ្ឌិត គី សេរីវឌ្ឍន៍ មេកាត្រូនិក គឺជាបូកបញ្ចូលគ្នារវាងអេឡិកត្រូនិក និងមេកានិក ហើយលោកអះអាងថា នៅកម្ពុជាមិនទាន់មានមេកាត្រូនិកនេះនៅឡើយទេ ស្របពេលដែលប្រទេសដទៃទៀតមានភាពជឿនលឿន និងប្រើប្រព័ន្ធនេះអស់រយៈពេលជាយូរមកហើយ៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម