សេដ្ឋកិច្ច
កសិករម្នាក់ដាំទុរេនដីជាង២ហិកតារកចំណូលបាន៦ម៉ឺនដុល្លារក្នុង១ឆ្នាំ
កសិករម្នាក់នៅខេត្តស្ទឹងត្រែងមានទំហំដីតែជាង ២ ហិកតាប៉ុណ្ណោះ អាចកែប្រែដីឲ្យមានជាតិដាំដើមទុរេនបានលើសពីការរំពឹងទុកទទួលបានទន្និផលខ្ពស់អាចរកប្រាក់ចំណូលបានចាប់ពី ៤ ទៅ ៦ ម៉ឺនដុល្លារក្នុងមួយឆ្នាំ។
លោក យិន សុខា ម្ចាស់ចម្ការបាននិយាយថា កសិករភាគច្រើន នៅខេត្តស្ទឹងត្រែងយល់ថា សណ្ឋានដីក្នុងខេត្តនេះគឺជាប្រភេទដីសល្បាយខ្សាច់ដាំបានតែស្វាយចន្ទី ដំឡូងមី និងដំណាំផ្សេងៗតែប៉ុណ្ណោះទេ។
លោកថា កាលពី១០ឆ្នាំមុន លោកចាប់ផ្តើមយកពូជទុរេនពីប្រទេសវៀតណាមមកដាំសាកល្បងក្រោយមក ទុរេនដែលគាត់ដាំនោះ ក៏ស្រាប់តែចេញផលហួសពីការរំពឹកទុកឃើញដូចនោះ លោកក៏ចាប់ផ្តើមស្រឡាញ់ ចម្ការទុរេនមើលថែទាំរហូតមកដល់សព្វថ្ងៃននេះ។
លោក ឃិន សុខា បាននិយាយទៀតថាដើមទុរេនលោកដាំ មានចំនួន២៧០ដើម ចេញផ្លែល្អបើនិយាយពីរសជាតិក៏មិនខុសពីទុរេននៅខេត្តល្បីៗ ដូចជាកំពង់ចាម ត្បូងឃ្មុំនិងកំពតផងដែរ ចំពោះមុខលោកនឹងពង្រីកផ្ទៃដីដាំទុរេនឱ្យកាន់តែធំជាងនេះ។
បើចង់ទៅភ្លក្ស ឬទិញផ្លែទុរេននៅខេត្តស្ទឹងត្រែងចម្ការលោកឃិនសុខាយើងអាចធ្វើដំណើរ ចេញពីរង្វង់មូលអូរពងមាន់ តាមផ្លូវជាតិលេខ៧៨(ស្ទឺងត្រែង-រតនគិរី)មានចម្ងាយត្រឹមតែ៣គីឡូម៉ែត្រប៉ុណ្ណោះ តម្លៃត្រឹមតែជាង២ម៉ឺនរៀលទេក្នុង១គីឡូក្រាម។
លោកខាបាននិយាយថា លោកដាក់លក់ តែនៅមុខផ្ទះចម្ការទេ អ្នកស្ទឹងត្រែងគេស្គាល់ គេទៅទិញដល់ចម្ការ និងម៉ូយមួយចំនួននៅភ្នំពេញក៏ទិញទុរេន ពីគាត់យកទៅលក់បន្តដែរ ទុរេនចម្ការរបស់គាត់ផ្លែតូចៗល្អខុសគេ។
ខែឧសភានេះ ចម្ការរបស់លោកចាប់ផ្តើមប្រមូលផលហើយគ្រាន់តែឆ្នាំនេះអាកាសធាតុក្តៅខ្លាំងប៉ះពាល់ដល់ការចេញផ្លែទុរេនខ្លះដែរ។
លោកបាននិយាយថា បើនិយាយឱ្យចំទៅទោះបីជួបឧបសគ្គបែបណាការលក់ចេញនៅតែមិនបង់ខាត។ លោកជំរុញដល់កសិករក្នុងខេត្តស្ទឹងត្រែងអាចដាំទុរេន និងសាកសួរបទពីសោធន៍ប្រភពពូជ បច្ចេកទេសដាំដុះពីគាត់បាន។
លោក ទុំ នីរ៉ូ ប្រធានមន្ទីរកសិកម្មរុក្ខាប្រម៉ាញ់ និងនេសាទខេត្តស្ទឹងត្រែងនិយាយថា មកដល់បច្ចុប្បន្នកសិករនៅខេត្តនេះមានផ្ទៃដីដាំទុរេនប្រមាណជាង៣០០ហិកតាហើយក្នុងនោះមានអ្នកដាំបានជោគជ័យ។
លោកជរុញដល់កសិករត្រូវយកចិត្តទុកដាក់ដាំដំណាំដែលមានសេដ្ឋកិច្ឋខ្ពស់ដើម្បីលើកតម្កើងសេដ្ឋកិច្ចគ្រួសារឱ្យមានជីវភាពធូរធារ៕
អត្ថបទ៖ ងិនលីម
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៤ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore