ព័ត៌មានជាតិ

ដីក្បែរអីអ៊ន ៣ មួយម៉ែត្រការ៉េជាង ១៨០០ដុល្លារ ឡើងគុណជា ២ នៅពីរឆ្នាំទៀត

បានផុស

៤ years មុន

នៅ

ថ្ងៃចន្ទ ២៥ មករា ២០២១

ដោយ

ជំងឺកូវីដ១៩ ដែលរួមរិតសេដ្ឋកិច្ចពេញមួយឆ្នាំ វិស័យអចលនទ្រព្យនៅតែអាចរក្សាតម្លៃស្ថិរភាពរបស់ខ្លួនបានដដែល។

គម្រោងអភិវឌ្ឍហេដ្ឋារចនាសម្ព័ន្ធធំៗមួយចំនួននៅតែបន្ត។ ជាក់ស្តែងគម្រោងផ្សារទំនើបអ៊ីនអន ៣ ដែលកំពុងស្ថិតក្រោមដំណើរការសាងសង់ នៅពេលនេះ តម្លៃដីនៅតំបន់នេះ នៅតែមានតម្លៃខ្ពស់ ហើយអាចនឹងកើតឡើងខ្លាំងទៀតផង។

លោក ច្រឹក សុខ នីម ប្រធានសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា បានប្រាប់កម្ពុជាថ្មីថា តម្លៃដីនៅតំបន់ អ៊ីអន ៣ មានតម្លៃ ចន្លោះ ពី ១២០០ ដល់ ១៨០០ ដុល្លារក្នុង១ម៉ែត្រការ៉េ។ អាស្រ័យលើទំហំដី ប្រសិនបើទំហំតូចអាចថ្លៃជាងនេះ តែបើទំហំធំអាចធូថ្លៃក៏មាន។ តម្លៃបើតាមអ្នកជំនាញរូបនេះ អាចកើនឡើងរហូតដល់២ ពាន់ ឬ ៣ ពាន់ក្នុងរយៈពេល ១ ឆ្នាំ ឬ ២ឆ្នាំខាងមុខ។

ផ្សារទំនើបអ៊ីអន ៣ ដែលសាងសង់ឡើងនៅក្នុងគម្រោងទីក្រុងរណប ING City នៅលើផ្ទៃដី ១៧៤ ០០០ ម៉ែត្រការ៉េគ្រោងចាប់ផ្ដើមដំណើរការនៅឆ្នាំ ២០២៣នេះ។ បើតាមប្រធានសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា លោកច្រឹក សុខនីម ការអភិវឌ្ឍអគារខ្ពស់ៗ និងផ្សារទំនើប បង្កើតបណ្តុំប្រជាជនរស់នៅច្រើន នាំឲ្យមានតម្រូវការដីធ្លី និងផ្ទះសម្បែងមានការកើនឡើង៕