សេដ្ឋកិច្ច
រុស្ស៊ី បន្តកាត់បន្ថយការនាំចេញប្រេង ៣០ ម៉ឺនបារ៉ែលក្នុងមួយថ្ងៃ ដល់ចុងឆ្នាំ
ឧបនាយករដ្ឋមន្រ្តីរុស្ស៊ីលោក Alexander Novak បាននិយាយកាលពីថ្ងៃអាទិត្យថា ប្រទេសរុស្ស៊ីនឹងបន្តកាត់បន្ថយការផ្គត់ផ្គង់ប្រេងចំនួន ៣០ ម៉ឺនបារ៉ែលក្នុងមួយថ្ងៃរហូតដល់ចុងខែធ្នូ ឆ្នាំ ២០២៣ ដូចដែលបានប្រកាសពីលើកមុន ។
ប្រទេសរុស្ស៊ីបានយល់ព្រមអនុវត្តការកាត់បន្ថយការផ្គត់ផ្គង់ប្រេងចំនួន ២ ដាច់ដោយឡែកពីគ្នា ពោលក្នុងខែមេសា រុស្ស៊ីបានសម្រេចចិត្តកាត់បន្ថយទិន្នផលប្រេងឆៅចំនួន ៥០ ម៉ឺនបារ៉ែលក្នុងមួយថ្ងៃ រហូតដល់ដំណាច់ឆ្នាំ ២០២៤ ខណៈដែលនៅក្នុងខែសីហា រុស្ស៊ីបាននិយាយថា នឹងកាត់បន្ថយការនាំចេញប្រេងចំនួន ៣០ ម៉ឺនបារ៉ែល រហូតដល់ចុងឆ្នាំនេះ ។
លោក Novak បាននិយាយថា ការកាត់បន្ថយនេះ គឺមានបំណងពង្រឹងវិធានការដែលធ្វើឡើងដោយប្រទេសក្រុមប្រទេស OPEC+ ដើម្បីរក្សាស្ថិរភាព និងតុល្យភាពនៃទីផ្សារប្រេង ។
ស្របពេលជាមួយគ្នានេះ រុស្ស៊ីក៏នឹងពិចារណានៅខែក្រោយដែរថា តើត្រូវធ្វើឲ្យស៊ីជម្រៅលើការកាត់បន្ថយការនាំចេញប្រេងនេះ ឬក៏បង្កើនផលិតកម្មវិញ ។
បើយោងតាមប្រភពផ្លូវការមួយចេញពីក្រសួងថាមពលរុស្ស៊ីបាននិយាយកាលពីថ្ងៃអាទិត្យថា ប្រទេសអារ៉ាប៊ីសាអូឌីតក៏នឹងបន្តកាត់បន្ថយទិន្នផលប្រេងចំនួន ១ លានបារ៉ែលក្នុងមួយថ្ងៃផងដែរ រហូតដល់ចុងខែធ្នូ ៕
ប្រែសម្រួល៖ នាង រតនៈ
ប្រភព៖ TASS
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ