Connect with us

សេដ្ឋកិច្ច

កូនអ្នកព្រៃវែង ច្នៃស្បែកក្រពើ ជាស្បែកជើង និងកាបូប រកចំណូលខ្ទង់ពាន់ដុល្លារ

បានផុស

នៅ

លោក ហង់ សុឃឿន អ្នកជំនាញច្នៃស្បែកក្រពើ ចេញជាស្បែកជើង និងកាបូបប្រើប្រាស់ផ្សេងៗ ប្រចាំទឹកដីខេត្តព្រៃវែង អាចរកចំណូលជាង ២ពាន់ដុល្លារ ក្នុងមួយខែ តាមរយៈការលក់តាមអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហង់ សុឃឿន ម្ចាស់សិប្បកម្ម ហ្វាតុង ផលិតកាបូបស្បែក ស្នាដៃកូនខ្មែរ ស្ថិតនៅស្រុកស្វាយអន្ទរ ខេត្តព្រៃវែង ជាមនុស្សម្នាក់ដែលធ្លាប់ជាកម្មកររោងចក្រកាត់ដេរ នៅប្រទេសថៃ កាលពីជាង១០ឆ្នាំមុន តែដោយសារតែគាត់មានទេពកោល្យ និងជំនាញទាក់ទងនឹងការកែច្នៃពីកំណើតស្រាប់ ទើបជំរុញឱ្យ លោក សុឃឿន បានវិលត្រឡប់មកកាន់ប្រទេសកម្ពុជាវិញ ដោយចាប់អាជីពជាអ្នកផលិតកាបូប និងស្បែកជើងនេះកាលពីឆ្នាំ២០២១។

លោក សុឃឿន បានឆ្លៀតផ្ដល់បទសម្ភាសឱ្យ កម្ពុជាថ្មី ដឹងថា ដំបូងឡើយ លោកត្រឹមជាពលករធ្វើការនៅរោងចក្រមួយកន្លែង ក្នុងប្រទេសថៃ ប៉ុណ្ណោះ។ តែអ្វីដែលជំរុញទឹកចិត្តឱ្យ លោក អាចមានលទ្ធភាពបើកសិប្បកម្មច្នៃស្បែកក្រពើនេះឡើងមក ក៏ដោយសារតែចំណង់ចំណូលចិត្តរបស់លោក។ ម្យ៉ាងទៀត លោក​ សុឃឿន មើលឃើញថា ផលិតផលដែលផលិតចេញពីស្បែកក្រពើ ក្នុងប្រទេសកម្ពុជាសព្វថ្ងៃនេះ មិនមានច្រើននៅឡើយ ចំណែកឯការនាំចូលវិញ ផលិតផលធ្វើពីស្បែកក្រពើគឺមានតម្លៃថ្លៃខ្លាំង មិនដូចការផលិតក្នុងស្រុក ទើបធ្វើឱ្យប្រជាជនខ្មែរខ្លះ មិននិយមប្រើប្រាស់ផលិតផលទាំងនេះ។

មានស្រុកកំណើត នៅស្រុកពាមរក ខេត្តព្រៃវែង សុឃឿន ជាមនុស្សម្នាក់ដែលមានការគិតខុសពីអ្នកដទៃបន្ដិច ដែលលោកមិនសូវជាចាប់អារម្មណ៍ចំពោះរបររកស៊ីអ្វី ក្រៅអំពីការច្នៃស្បែកក្រពើ និងស្បែកគោ ចេញជាស្បែកជើង និងកាបូប សម្រាប់ដាក់លក់តាមអនឡាញ ដែលលោកខ្លួនឯងក៏នឹកស្មានមិនដល់ថាមានគាំទ្រយ៉ាងច្រើនកុះករ ចំពោះស្នាដៃរបស់លោក ក្នុងរយៈពេលប៉ុន្មានឆ្នាំចុងក្រោយនេះ។

សុឃឿន បានឱ្យដឹងទៀងថា សម្រាប់ពេលបច្ចុប្បន្ននេះ លោកមើលឃើញថា នៅតាមកសិដ្ឋានចិញ្ចឹមក្រពើខ្លះ កំពុងតែប្រឈមនឹងការខាតបង់ខ្លាំង ពីព្រោះតែមិនសូវមានទីផ្សារនាំចេញ និងការច្នៃស្បែកក្រពើ ជាផលិតផលផ្សេងៗ នៅមានកម្រិត ទើបលោកបានចូលរួមជាចំណែកមួយ ក្នុងការផលិត ស្បែកជើង កាបូប ចេញពីស្បែកក្រពើ សម្រាប់ប្រជាជនខ្មែរដែលនិយមប្រើប្រាស់ផលិតផលធ្វើចេញពីស្បែកក្រពើ។

ម្ចាស់សិប្បកម្មរូបនេះ ក៏សូមសំណូមពរដល់ប្រជាជនខ្មែរ ទាំងក្នុងនិងក្រៅប្រទេស សូមមេត្តាជួយគាំទ្រផលិតផលដែលជាស្នាដៃកូនខ្មែរច្រើន ដើម្បីជំរុញឱ្យសិប្បកម្មក្នុងស្រុកទាំងអស់ អាចដំណើរការទៅបាន យ៉ាងរលូន នាំឱ្យសង្គមជាតិមានការអភិវឌ្ឍ ផងដែរ៕

អត្ថបទ ៖ សួស សិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ ម៉ោង មុន

អាជ្ញាធរ ផ្អាកសកម្មភាពសំណង់ខុសច្បាប់រំលោភដងព្រែក របស់លោកអធិការរងនគរបាលស្រុកបូទុមសាគរ ជាលើកទី៣

ព័ត៌មានជាតិ២២ ម៉ោង មុន

អាជ្ញាធរស្ដារប្រឡាយបឹងទំពន់ កាយយកសំរាមចេញ ដើម្បីបញ្ចៀសទឹកលិច និងស្ដារសោភ័ណភាព

ព័ត៌មានអន្ដរជាតិ១០ ម៉ោង មុន

អាស៊ីខាងត្បូង រងទុក្ខវេទនាខ្លាំងដោយសារគ្រោះទឹកជំនន់, ស្លាប់មនុស្សរាប់រយនាក់

ព័ត៌មានជាតិ៦ ម៉ោង មុន

ណែនាំ​ឲ្យ​ស្គាល់​តំបន់​សេដ្ឋកិច្ច​ពិសេស​ ២៦ កន្លែង​​ដំណើរ​ការ​នៅ​កម្ពុជា វិនិយោគអស់រាប់ពាន់លាន​ដុល្លារ

សុខភាព៨ ម៉ោង មុន

ស្លឹកតើយ ជា​ឱសថបញ្ចុះ​ជាតិ​ស្ករ​ក្នុង​ឈាម ល្អសម្រាប់ស្រ្តី គួរទទួលទានកុំខាន

Sokha Hotels

ព័ត៌មានពេញនិយម