ព័ត៌មានអន្ដរជាតិ
ធនាគារចិន AIIB ផ្ដល់កម្ចី ៥ ប៊ីលានដុល្លារទៅវៀតណាម ដើម្បីអភិវឌ្ឍគម្រោងផ្លូវដែកសំខាន់ៗ
ធនាគារវិនិយោគហេដ្ឋារចនាសម្ព័ន្ធអាស៊ី (AIIB) របស់ចិន នឹងផ្តល់កម្ចីឥណទានចំនួន ៥ ប៊ីលានដុល្លារទៅវៀតណាម ជាមួយនឹងអត្រាការប្រាក់សមរម្យ ដើម្បីផ្តល់មូលនិធិអភិវឌ្ឍន៍គម្រោងផ្លូវដែកសំខាន់ៗរបស់ប្រទេសនេះ។ នេះបើតាមការចុះផ្សាយរបស់កាសែត VnExpress។
ប្រធានធនាគារ AIIB លោក Jin Liqun បានប្រកាសផ្ដល់ប្រាក់កម្ចីនេះទៅនាយករដ្ឋមន្ត្រីវៀតណាម លោក Pham Minh Chinh ក្នុងជំនួបកាលពីថ្ងៃអង្គារ។
ការផ្ដល់ជូននេះ ធ្វើឡើងក្រោយលោក Chinh នាពេលកន្លងមក បានស្នើសុំការប្រឹក្សាយោបល់ និងមូលនិធិទៅកាន់ធនាគារ AIIB សម្រាប់គម្រោងផ្លូវដែកសំខាន់ៗរបស់វៀតណាម ដូចជាផ្លូវរថភ្លើងល្បឿនពីភាគខាងជើងទៅភាគខាងត្បូង ផ្លូវរថភ្លើង៣ខ្សែ ដែលតភ្ជាប់ភាគខាងជើងវៀតណាម និងចិន និងផ្លូវរថភ្លើងក្នុងក្រុងនៅហាណូយ និងហូជីមិញ។
លោក Chinh បានប្រាប់ទៅលោក Liqun ថា វៀតណាមកំពុងកំណត់គោលដៅធំៗក្នុងវិស័យហេដ្ឋារចនាសម្ព័ន្ធដឹកជញ្ជូន ការថែទាំសុខភាព ការអប់រំ វប្បធម៌ កីឡា ការឆ្លើយតបនឹងការប្រែប្រួលអាកាសធាតុ ហេដ្ឋារចនាសម្ព័ន្ធឌីជីថល ការអភិវឌ្ឍន៍បៃតង និងចរាចរសេដ្ឋកិច្ចជាដើម។
បើតាម VnExpress ខណៈវៀតណាមមានតម្រូវការខ្ពស់សម្រាប់ការអភិវឌ្ឍលើមធ្យោបាយដឹកជញ្ជូនទាំងផ្លូវថ្នល់ ផ្លូវដែក ផ្លូវអាកាស ផ្លូវសមុទ្រ និងផ្លូវទឹកលើដីគោក លោកនាយករដ្ឋមន្រ្តីវៀតណាម ចង់ឱ្យការវិនិយោគក្នុងវិស័យទាំងនេះបង្កើតផលប្រយោជន៍ថ្មី កាត់បន្ថយថ្លៃដឹកជញ្ជូន បង្កើនផលិតកម្ម និងអាជីវកម្ម បង្កើតការងារ និងធានាការអភិវឌ្ឍប្រកបដោយចីរភាព។
គួរគូសបញ្ជាក់ថា ធនាគារ AIIB ត្រូវបានបង្កើតឡើងដោយផ្អែកលើគំនិតផ្តួចផ្តើមរបស់ប្រធានាធិបតីចិន Xi Jinping ក្នុងកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ក្នុងខែតុលា ឆ្នាំ ២០១៣។ធនាគារដែលបង្កើនឡើងដើម្បីជំរុញ និងសម្របសម្រួលគំនិតផ្ដួចផ្ដើមខ្សែក្រវ៉ាត់ និងផ្លូវមួយនេះ បានដំណើរការតាំងពីឆ្នាំ ២០១៦ ជាមួយនឹងប្រទេសជាសមាជិកចំនួន ៥៧ រួមទាំងវៀតណាម។ បច្ចុប្បន្ន ធនាគារដដែលមានសមាជិក ចំនួន ១០៩ ប្រទេស គ្របដណ្ដប់ ៨១ ភាគរយនៃចំនួនប្រជាជនពិភពលោក និង ៦៥ ភាគរយនៃ GDP សកល។
កន្លងមក AIIB បានផ្ដល់មូលនិធិដល់គម្រោងចំនួន៣តម្លៃ ២២៣ លានដុល្លារទៅវៀតណាម ក្នុងវិស័យផ្សេងៗ រួមមានថាមពលពន្លឺព្រះអាទិត្យ ថាមពលវារីអគ្គិសនី និងហេដ្ឋារចនាសម្ព័ន្ធឆ្លើយតបនឹងការប្រែប្រួលអាកាសធាតុ៕
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ