សេដ្ឋកិច្ច

កម្ពុជា-ថៃ ឯកភាពបន្តជំរុញការវិនិយោគលើវិស័យទេសចរណ៍

បានផុស

២ years មុន

នៅ

ថ្ងៃសុក្រ ១៩ កក្កដា ២០២៤

ដោយ

ថ្នាក់ដឹកនាំកម្ពុជា-ថៃ បានឯកភាពជំរុញការវិនិយោគក្នុងវិស័យទេសចរណ៍ ដោយបន្តពង្រឹងការចែករំលែកព័ត៌មាន និងសក្ដានុពលវិនិយោគក្នុងវិស័យទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចបែបនេះ គឺបានធ្វើឡើងនៅក្នុងកិច្ចប្រជុំទ្វេភាគីរវាងលោក សុខ សូកេន រដ្ឋមន្ត្រីទេសចរណ៍កម្ពុជា និងរដ្ឋមន្ត្រីទេសចថៃ លោក Sermsak Pongpanit រដ្ឋមន្ត្រីទេសចរថៃអំឡុងពេលលោក សុខ សូកេន អញ្ជើញទៅប្រទេសថៃ ២ ថ្ងៃ (១៧-១៨ កក្កដា)។

ភាគីកម្ពុជា-ថៃ បានឯកភាពសម្រួលការធ្វើដំណើរ និងឆ្លងកាត់ព្រំដែន ជូនទេសចរនៃប្រទេសទាំងពីរ និងទេសចរមកពីប្រទេសទី៣ ព្រមទាំងការរៀបចំដំណើរទស្សនកិច្ចស្វែងរកគោលដៅទេសចរណ៍ ការរៀបចំព្រឹត្តិការណ៍ទេសចរណ៍រួមគ្នា និងការជំរុញការចូលរួមក្នុងព្រឹត្តិការណ៍ទេសចរណ៍ដែលរៀបចំដោយប្រទេសនីមួយៗ។

យោងតាមរបាយការណ៍ក្រសួងទេសចរណ៍ ភ្ញៀវអន្តរជាតិសរុបចំនួនជាង ២,៦៤ លាននាក់បានមកទស្សនានៅប្រទេសកម្ពុជាក្នុងរយៈពេល៥ខែដើមឆ្នាំនេះ មានការកើនឡើង ២២,១ ភាគរយ បើធៀបនឹងរយៈពេលដូចគ្នាក្នុងឆ្នាំ ២០២៣ដែលមានចំនួន ២,១៦លាននាក់។

ក្នុងចំណោមទេសចរជាង ២,៦៤ លាននាក់ ទេសចរថៃឈរនៅលំដាប់លេខរៀងទី ១ មានចំនួន ៧៧០ ៣៧១ នាក់ កើន ៦,១ ភាគរយ វៀតណាមចំនួន ៥២៨ ២៥២ នាក់ កើនជិត៤០ ភាគរយ ចិន ៣២៦ ០០៣ កើជាង ៤០ ភាគរយ ឡាវ ១៥៤០២០ កើនជាង ៤០ ភាគរយ អាមេរិក ចំនួន ៩៥ ៦១៦ កើន ១៧,៦ ភាគរយ ឥណ្ឌូនេស៊ីមានចំនួន ៦៧ ៦៧១ កើន ២២,៧ ភាគរយ បារាំងចំនួន ៦០ ៥០៤ កើនជាង២៧ភាគរយ អង់គ្លេសចំនួន ៥៦ ០៨១កើនជាង២០ភាគរយ និងជប៉ុនចំនួន ៤៦ ៤១៧ កើនជាង៥៤ភាគរយ៕

អត្ថបទ៖ ឡេង ដេត