ព័ត៌មានអន្ដរជាតិ
ក្រុមហ៊ុន ត្រាំ អភិវឌ្ឍទីវាយកូនហ្គោល និងសណ្ធាគារ ១,៥ ប៊ីលានដុល្លារនៅវៀតណាម
ក្រុមហ៊ុនអភិវឌ្ឍន៍អចលនទ្រព្យរបស់វៀតណាម Kinhbac City (KBC) បានឱ្យដឹងនៅថ្ងៃអង្គារនេះថា ក្រុមហ៊ុនបុត្រសម្ព័ន្ធរបស់ខ្លួនបានចាប់ដៃគូជាមួយក្រុមហ៊ុនពហុផលិតផលអាមេរិក The Trump Organization ដែលជារបស់លោក ដូណាល់ ត្រាំ ដើម្បីអភិវឌ្ឍគម្រោងទីលានវាយកូនហ្គោល និងសណ្ឋាគារ ក្នុងតម្លៃ ១,៥ ប៊ីលានដុល្លារ នៅខេត្ត Hung Yen របស់វៀតណាម។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
KBC បាននិយាយនៅក្នុងសេចក្តីថ្លែងការណ៍ថា អនុស្សរណៈនៃការយោគយល់គ្នារវាងក្រុមហ៊ុនទាំង២ ត្រូវបានចុះហត្ថលេខាកាលពីចុងខែកញ្ញា ក្នុងអំឡុងដំណើរទស្សនកិច្ចរបស់ប្រធានាធិបតីវៀតណាម លោក To Lam ទៅកាន់សហរដ្ឋអាមេរិក។
សេចក្តីថ្លែងការណ៍បានបន្ថែមថា គម្រោងដដែលមានប្រព័ន្ធទីលានវាយកូនហ្គោលចំនួន ៥៤ រន្ធ ចំនួន២ រួមជាមួយនឹងបណ្តាញសណ្ឋាគារ និងរមណីយដ្ឋាន និងអគារលំនៅដ្ឋានទំនើប។
គួរគូសបញ្ជាក់ថា ទីលានវាយកូនហ្គោល និងជំនួញរមណីយដ្ឋាន គឺជាប្រភពដ៏ធំបំផុតនៃលំហូរសាច់ប្រាក់សម្រាប់ក្រុមហ៊ុន The Trump Organization ដែលជាអាជីវកម្មគ្រួសារត្រកូល ត្រាំ របស់លោក ត្រាំ។ នេះបើតាមការវិភាគរបស់រ៉យទ័រ កាលពីខែសីហា។
បើតាមរដ្ឋបាលខេត្ត Hung Yen កាលពីពាក់កណ្តាលខែកញ្ញា អ្នកតំណាងមកពីក្រុមហ៊ុន បានធ្វើទស្សនកិច្ចទៅខេត្តរបស់ខ្លួន និងបានជួបជាមួយអាជ្ញាធរខេត្ត ដើម្បីពិភាក្សាអំពីឱកាសវិនិយោគ។
ជុំវិញការវិនិយោគថ្មី អនុប្រធានប្រតិបត្តិនៃក្រុមហ៊ុន The Trump Organization លោក Eric Trump ដែលជាកូនប្រុសទី២របស់លោក ត្រាំ ផងដែរនោះ បាននិយាយក្នុងសេចក្ដីថ្លែងការណ៍ថា៖ «យើងរំភើបក្នុងការបោះខ្លួនទៅកាន់ទីផ្សារដ៏សកម្មនេះ។ វៀតណាមមានសក្តានុពលក្នុងវិស័យសណ្ឋាគារប្រណីត និងការកម្សាន្ត»៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១៣ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន