ព័ត៌មានអន្ដរជាតិ
វៀតណាមកត់ត្រាពីកំណើនក្នុងវិស័យម្ហូបអាហារកែច្នៃ ប៉ុន្តែគុណភាពមិនល្អ
អ្នកក្នុងឧស្សាហកម្ម និងសេដ្ឋវិទូវៀតណាម បានអះអាងថា វិស័យកែច្នៃម្ហូបអាហាររបស់វៀតណាម ដែលរួមចំណែកជិត ២០ ភាគរយ នៃឧស្សាហកម្មកែច្នៃទាំងមូលរបស់ប្រទេស បានកើនឡើង ប៉ុន្តែកំពុងជួបបញ្ហាធំៗដូចជា គុណភាពអន់ដោយសារតែវត្ថុធាតុដើម និងកម្សោយនៃការច្របាច់ចូលខ្សែចង្វាក់តម្លៃ។ នេះបើតាមការចុះផ្សាយរបស់កាសែត Viet Nam News។
ទិន្នន័យចុងក្រោយបំផុតពីអគ្គនាយកដ្ឋានគយវៀតណាម បានបង្ហាញថា ក្នុងរយៈពេល៨ខែដើមឆ្នាំនេះ ការផលិត និងកែច្នៃម្ហូបអាហាររបស់វៀតណាម បានកើនឡើង ៧,៣ ភាគរយ លើសន្ទស្សន៍ផលិតកម្មឧស្សាហកម្ម ជាមួយនឹងកំណើននៃប្រាក់ចំណូល ៧,៣ ភាគរយ ធៀបនឹងរយៈពេលនៅឆ្នាំមុន ដល់ ១២៦ ប៊ីលានដុល្លារ។ វិស័យកសិកម្ម រុក្ខាប្រមាញ់ និងនេសាទវៀតណាម ដែលរួមចំណែកដ៏ធំសម្រាប់វិស័យកែច្នៃ បានកត់ត្រាពីកំណើននាំចេញដល់ប្រមាណ ៥៣ ប៊ីលានដុល្លារ កាលពីឆ្នាំមុន។
ទោះបីជាបែបនេះក៏ដោយ អ្នកជំនាញលើកឡើងថា វិស័យកែច្នៃម្ហូបអាហាររបស់វៀតណាមបានជួបនូវការបរាជ័យក្នុងការប្រកួតប្រជែងលើទីផ្សារ ដោយកត់ត្រាថា ៨៥ ភាគរយនៃការនាំចេញកសិផលរបស់វៀតណាម នៅតែស្ថិតក្នុងទម្រង់ឆៅ(មិនទាន់កែច្នៃ) ឬកែច្នៃតិចតួច។ បញ្ហាមួយចំនួន រួមទាំងភាពរប៉ាត់រប៉ាយនៃផលិតកម្ម ការប្រើប្រាស់បច្ចេកវិទ្យាសម្រាប់កែច្នៃចាស់ៗ ការចំណាយខ្ពស់ និងការរចនាវេចខ្ចប់មិនល្អ បានរារាំងអាជីវកម្មវៀតណាមពីការប្រកួតប្រជែងសកម្មលើទីផ្សារពិភពលោក។
បញ្ហាប្រឈមសំខាន់ៗសម្រាប់វិស័យនេះរួមមាន ការពឹងផ្អែកលើប្រភពវត្ថុធាតុដើមខាងក្រៅ គុណភាព និងបរិមាណកម្លាំងពលកម្មមិនគ្រប់គ្រាន់ និងការដឹកជញ្ជូនមិនល្អជាដើម។ ជាមួយគ្នានោះ ការព្រួយបារម្ភអំពីបរិស្ថាន ឧបសគ្គហិរញ្ញវត្ថុ និងការកើនឡើងតម្លៃជួលដី ក៏ជាផ្នែកមួយនៃបញ្ហាផងដែរ។
ក្រុមអ្នកជំនាញវៀតណាមបានអំពាវនាវឱ្យមានការវិនិយោគកាន់តែច្រើនក្នុងបច្ចេកវិទ្យាស្វ័យប្រវត្តិកម្ម ប្រព័ន្ធគ្រប់គ្រងគុណភាព និងធនធានមនុស្ស ដែលជាមូលដ្ឋានគ្រឹះសម្រាប់ការអភិវឌ្ឍប្រកបដោយចីរភាពនៃឧស្សាហកម្មកែច្នៃម្ហូបអាហារវៀតណាម។
លើសពីនេះ ពួកគេបានសង្កត់ធ្ងន់លើសារៈសំខាន់នៃអាជីវកម្មខ្នាតតូច និងមធ្យមក្នុងឧស្សាហកម្មដដែល ដោយនិយាយថា សមត្ថភាពរបស់ក្រុមនេះនៅមានកម្រិតសម្រាប់ការអនុវត្តបច្ចេកវិទ្យាចុងក្រោយបំផុត និងការច្របាច់បញ្ចូលទៅក្នុងខ្សែសង្វាក់ផ្គត់ផ្គង់សកល ដែលនាំឱ្យមានឧបសគ្គក្នុងការយកឈ្នះគូប្រជែង៕
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ