ព័ត៌មានអន្ដរជាតិ
TikTok ប្ដឹងទៅតុលាការកំពូលអាមេរិក ឱ្យរារាំងការហាមប្រាមវេទិការបស់ខ្លួននៅអាមេរិក
បណ្ដាញសង្គមទីកតុក (TikTok) បានប្តឹងឧទ្ធរណ៍ជាផ្លូវការទៅកាន់តុលាការកំពូលរបស់សហរដ្ឋអាមេរិក ដោយស្នើសុំឱ្យតុលាការរារាំងច្បាប់ហាមប្រាមវេទិកា TikTok នៅអាមេរិក ដែលនឹងចូលជាធរមាននៅខែមករា ឆ្នាំក្រោយ ប្រសិនវេទិកានេះមិនបំបែកខ្លួនចេញពីក្រុមហ៊ុនមេនៅចិន ByteDance ទេនោះ។
នៅពាក្យបណ្ដឹងបន្ទាន់មួយ ដែលដាក់ទៅតុលាការកំពូលកាលពីថ្ងៃចន្ទ ក្រុមមេធាវីរបស់ TikTok បានប្រកែកថា ច្បាប់ថ្មីដែលចុះហត្ថលេខាដោយលោកប្រធានាធិបតី ចូ បៃដិន កាលពីខែមេសា ឆ្នាំ ២០២៤ គឺរំលោភលើវិសោធនកម្មទី១ នៃរដ្ឋធម្មនុញ្ញអាមេរិក។ ពួកគេបានអះអាងថា ច្បាប់ហាមឃាត់ TikTok បានកំណត់គោលដៅលើ TikTok ដោយអយុត្តិធម៌ ហើយដាក់ការរឹតត្បិតដ៏ធំ និងមិនធ្លាប់មានពីមុនមក លើការសេរីភាពបញ្ចេញមតិ។
ជាមួយគ្នានោះ TikTok បាននិយាយក្នុងសេចក្ដីថ្លែងការណ៍ថា៖ «តុលាការកំពូលមានប្រវត្តិការពារសិទ្ធិសេរីភាពបញ្ចេញមតិរបស់ជនជាតិអាមេរិក» និងបានស្នើឱ្យតុលាការអនុវត្តការត្រួតពិនិត្យយ៉ាងតឹងរ៉ឹង ចំពោះការបិទសេរីភាពនេះ ដូចដែលស្ថាប័នតែងតែធ្វើ ហើយសម្រេចថា ច្បាប់នេះរំលោភលើវិសោធនកម្មទី១។
គួរគូសបញ្ជាក់ថា វេទិកាវិដេអូខ្លីៗ TikTok មានអ្នកប្រើប្រាស់ជាង ១៧០ លាននាក់ប្រចាំខែ នៅសហរដ្ឋអាមេរិក។ ការហាមប្រាមនឹងចូលជាធរមាននៅថ្ងៃទី ១៩ ខែមករា ឆ្នាំក្រោយ ខណៈសមាជិកសភាអាមេរិកថ្មីៗនេះ បានជូនដំណឹងឱ្យក្រុមហ៊ុន Google និង Apple ឱ្យត្រៀមខ្លួនរួចជាស្រេចក្នុងការលុបចោលកម្មវិធី TikTok ចេញពីកន្លែងលក់កម្មវិធីទូរស័ព្ទរបស់ខ្លួន (Play Store និង App Store) ដើម្បីសម្រេបទៅតាមច្បាប់។ ការហាមឃាត់ដដែល មិនប៉ះពាល់ដល់អ្នកប្រើប្រាស់ដែលមាន TikTok ក្នុងទូរស័ព្ទដៃរបស់ពួកគេរួចស្រេចនោះទេ លុះត្រាតែពួកគេត្រូវដោនឡូតដ៍ ឬអាប់ឌែតជាថ្មី។
កន្លងមក អ្នកនយោបាយអាមេរិកលើកឡើងថា ទំនាក់ទំនងរបស់របស់ TikTok និងក្រុមហ៊ុនមេ ByteDance អាចធ្វើឱ្យប៉ះពាល់ដល់សន្តិសុខជាតិអាមេរិក ហើយថា រដ្ឋាភិបាលកុម្មុយនិស្តចិន អាចចូលប្រើប្រាស់ទិន្នន័យអ្នកប្រើប្រាស់អាមេរិក។ ការណ៍ទាំងអស់នេះ ត្រូវបានក្រុមហ៊ុន TikTok បានប្រកែកយ៉ាងដាច់អហង្ការ៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង