ព័ត៌មានអន្ដរជាតិ
តម្លៃម្រេចវៀតណាម កើនខ្ពស់បំផុតជិត ១ ទសវត្សរ៍
សមាគមម្រេច និងគ្រឿងទេសវៀតណាម បានឱ្យដឹងថា តម្លៃម្រេចរបស់វៀតណាមបានឡើងដល់ប្រហែល ១៦០ ០០០ ដុង (៦,២៦ ដុល្លារ)/គីឡូក្រាម នៅតំបន់ខ្ពង់រាបកណ្តាល និងភាគអាគ្នេយ៍ ទោះពេលនេះជារដូវប្រមូលផលសំខាន់ក៏ដោយ។ នេះបើតាមការចុះផ្សាយរបស់កាសែត Viet Nam News។
បច្ចុប្បន្ននេះ តម្លៃម្រេចកំពុងប្រែប្រួលចន្លោះពី ១៥៩ ០០០-១៦១,០០០ដុង/គីឡូក្រាម (៦,២២-៦,៣០ ដុល្លារ/គីឡូក្រាម) ដែលជាកម្រិតខ្ពស់បំផុតក្នុងរយៈពេលជិត ១ ទសវត្សរ៍។
ទន្ទឹមនឹងនេះ តម្លៃផលិតផលម្រេចនាំចេញរបស់វៀតណាម មានតម្លៃចន្លោះពី ៧ ០០០-៧ ២០០ ដុល្លារ/តោន ដោយអាស្រ័យលើប្រភេទម្រេច។
អ្នកជំនាញលើកឡើងថា តម្លៃម្រេចថ្លៃដោយសារតែតម្រូវការម្រេចមានតម្រូវខ្ពស់ជាសកល ប៉ុន្តែផលិតកម្មរំពឹងថានឹងថយចុះនៅឆ្នាំ ២០២៥ នេះ ដោយសារតែការដាំដុះតិចជាងមុននៅវៀតណាម និងបញ្ហាអាកាសធាតុនៅឥណ្ឌា។
ក្នុងរយៈពេល ២ ខែដំបូងនៃឆ្នាំ ២០២៥ វៀតណាមបាននាំចេញម្រេចចំនួន ២៧ ៤១៦ តោន ដោយកើបចំណូលបានចំនួន ១៨៤,៩ លានដុល្លារ។ ទំហំនៃការនាំចេញបានថយចុះ ១១,៩ ភាគរយធៀបនឹងរយៈពេលដូចគ្នាក្នុងឆ្នាំ ២០២៤ ប៉ុន្តែតម្លៃនៃការនាំចេញវិញ បានកើនឡើងគួរឱ្យកត់សម្គាល់រហូដល់ ៤៨,១ ភាគរយ។
នេះសបញ្ជាក់ឱ្យឃើញថា តម្លៃនៃការនាំចេញម្រេចរបស់វៀតណាមនៅតែបន្តកើនឡើងខ្ពស់ ដោយជំរុញដោយតម្លៃនាំចេញជាមធ្យមដ៏រឹងមាំ គឺ ៦ ៦៤៨ ដុល្លារ/តោន សម្រាប់ម្រេចខ្មៅ និង ៨ ៥០១ ដុល្លារ/តោន សម្រាប់ម្រេចស។
បច្ចុប្បន្ន វៀតណាមរួមចំណែកប្រហែល ៤០ ភាគរយនៃទិន្នផលម្រេចសកលសរុប និងជិត ៥៥ ភាគរយនៃចំណូលនាំចេញម្រេចរបស់ពិភពលោក៕
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៦ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ២១ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi