សាលាអន្តរជាតិ CIA First បាន​កៀរគរទុនប្រមាណ១០លានដុល្លារពីផ្សារហ៊ុន​ជាលើកទី២

ក្រុ​មហ៊ុន អាយអេ ហ្វីស អ៊ិនធើណេសិនណល ស្គូល (CIA First International School) ដែលជាសាលាអន្តរជាតិឯកជនបានធ្វើការបោះផ្សាយជាផ្លូវការនៃសញ្ញាបណ្ណសាជីវកម្មមានបុគ្គលធានាដោយបាន​ប្រមូល​ទុនប្រមាណ១០លានដុល្លារពីផ្សារមូលបត្រកម្ពុជា (CSX) ដែលនេះជាការកៀរគរទុនជា​លើកទី២​​​​​របស់ខ្លួនតាមរយៈផ្សារហ៊ុនដើម្បីយកទៅធ្វើការសាងសង់សាខាថ្មី និងការវិនិយោគពាក់ព័ន្ធនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសព័ត៌មានរបស់ CSX ការចុះបញ្ជីលក់សញ្ញាបណ្ណសាជីវកម្មជាផ្លូវការ របស់ក្រុមហ៊ុន ស៊ីអាយអេ ហ្វីស អ៊ិ​ នៅ​CSX ធ្វើឡើងនៅព្រឹកថ្ងៃអង្គារ ​ទី១៨ ខែមីនា ឆ្នាំ២០២៥ នេះ។ ​ក្រុមហ៊ុន ស៊ីអាយអេ ហ្វីស អ៊ិនធើណេសិនណល ស្នួល ជាសាលាអន្តរជាតិឯកជនដែល ផ្តល់សេវាអប់រំចាប់ពីកម្រិតមត្តេយ្យសិក្សា រហូតដល់ ថ្នាក់វិទ្យាល័យ តាមស្តង់ដារអន្តរជាតិ។

«ក្រុ​មហ៊ុន អាយអេ ហ្វីស អ៊ិនធើណេសិនណល ស្គូល ​ជម្រាបជូនសាធារណជនឱ្យបានជ្រាបថា សញ្ញាបណ្ណ សាជីវកម្មមានបុគ្គលធានា របស់ក្រុមហ៊ុន ស៊ីអាយអេ ហ្វីស អ៊ិនធើណេសិនណល ស្នួល ត្រូវបានចុះបញ្ជីលក់ជាផ្លូវការ នៅផ្សារមូលបត្រកម្ពុជា។

បើយោងតាម CSX ៖« ក្នុងឆ្នាំ២០២៥ នេះ ក្រុមហ៊ុនបានសម្រេចនូវការបោះផ្សាយ និងចុះបញ្ជីលក់សញ្ញាបណ្ណសាជីវកម្មលើកទី២ ដែលមានឈ្មោះថា “សញ្ញាបណ្ណមានបុគ្គលធានា ស៊ីអាយអេ ហ្វីស ២” ដោយមានបុគ្គលធានាពីសំណាក់ មូលនិធិធានាឥណទាន និង ជំរុញការវិនិយោគ (Credit Guarantee and Investment Facility) ជាមួយទំហំបោះផ្សាយសរុបប្រមាណ ៤០,១១ ប៊ីលានរៀល (ប្រមាណ ១០លានដុល្លារអាមេរិក) និងតម្លៃចារឹក ១០០.០០០រៀល ក្នុងមួយឯកតា»។

សម្រាប់សញ្ញាបណ្ណនេះមាន ឥណប្រតិទានចំនួន៥ឆ្នាំ (២០២៥-២០៣០) ជាមួយអត្រាគូប៉ុង ៥.៦០% ក្នុងមួយឆ្នាំ និងការទូទាត់ រៀងរាល់ឆមាស។ ចំពោះសញ្ញាបណ្ណនេះ រេតតឹង អេជេនស៊ី អហ្វ (ខេមបូឌា) ម.ក បានផ្តល់ចំណាត់ថ្នាក់ឥណទាន “khAAA” ដែលបង្ហាញក្នុងបរិបទកម្ពុជានូវ ​សមត្ថភាពខ្លាំងក្នុងការបំពេញកាតព្វកិច្ចផ្នែកធ្វើខ្លួន។ ​

ក្រុមហ៊ុន ស៊ីអាយអេ ហ្វីស អ៊ិនធើណេសិនណល ស្នូល បានធ្វើការបោះផ្សាយលក់សញ្ញាបណ្ណមានបុគ្គលធានា សម្រាប់វិនិយោគិនគុណវុឌ្ឍលើកទី១ និងបានចុះបញ្ជីនៅផមក កាលពីចុងឆ្នាំ២០២៣កន្លងទៅនេះ ជាមួយនឹងទឹក ប្រាក់កៀរគរពីវិនិយោគិនគុណវុឌ្ឍសរុបប្រមាណជា ១០លានដុល្លារអាមេរិក៕