ព័ត៌មានអន្ដរជាតិ

កសិករថៃជំរុញឱ្យរដ្ឋាភិបាលដោះស្រាយការធ្លាក់ចុះតម្លៃដំណាំ

បានផុស

១ year មុន

នៅ

ថ្ងៃអង្គារ ២៩ មេសា ២០២៥

ដោយ

កសិករថៃ បានជំរុញឱ្យរដ្ឋាភិបាលអនុវត្តវិធានការដោះស្រាយការធ្លាក់ចុះនៃតម្លៃដំណាំ ដោយព្រមានថាកសិករនឹងរងទុក្ខ ប្រសិនបើមិនចាត់វិធានការណាមួយទេ។ នេះបើតាមការចុះផ្សាយរបស់កាសែត The Nation។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានសមាគមកសិករថៃ លោក Pramote Charoensilp បានថ្លែងថា កសិករជាច្រើនរួមទាំងកសិករដែលធ្វើស្រែចម្ការ ដំឡូងមី ដូងប្រេង និងកៅស៊ូ កំពុងជួបការលំបាកដោយសារតម្លៃដំណាំធ្លាក់ចុះផ្ទុយពីកំណើនតម្លៃដាំដុះ។

លោកបានលើកឡើងជាឧទាហរណ៍ថា តម្លៃស្រូវក្រៅរដូវមានសំណើម ២៥ ភាគរយ ត្រូវបានជួញដូរនៅ ៧ ០០០ បាត/តោន កាលពីសប្ដាហ៍មុន ធៀបនឹង ៩ ០០០-១០ ០០០ បាត/តោន កាលពី ២-៣ ឆ្នាំមុន។ ផ្ទុយទៅវិញ ការចំណាយលើការដាំដុះ បានកើនដល់ ៦ ៥០០ – ៧ ០០០ បាត/តោន។ លោកចង់បានឱ្យតម្លៃនេះ យ៉ាងហោចណាស់ឡើងលើស ៨ ០០០ បាត/តោន។

លោក Pramote បាននិយាយថា ការធ្លាក់ចុះនៃតម្លៃស្រូវបណ្ដាលមកពីការនាំចេញអង្ករឡើងវិញរបស់ឥណ្ឌា ដែលធ្វើឱ្យការផ្គត់ផ្គង់មានច្រើនលើទីផ្សារអន្តរជាតិ។

លោកបានសង្កត់ធ្ងន់ថា រដ្ឋាភិបាលថៃមិនទាន់ដាក់ចេញនូវវិធានការណាមួយដើម្បីជួយដល់កសិករនៅឡើយទេ ដោយលោកបានចង្អុលបង្ហាញថា សំណើផ្តល់ជំនួយចំនួន ១ ០០០ បាត/រ៉ៃ មិនទាន់ត្រូវបានដាក់ជូនគណៈរដ្ឋមន្ត្រីដើម្បីពិចារណានៅឡើយ។

បើតាមមន្រ្តីជំនាញដដែល ក្រសួងពាណិជ្ជកម្មបានអះអាងថា ខ្លួនត្រូវការបញ្ចប់ការចុះបញ្ជីកសិករ ត្រឹមថ្ងៃទី ៣០ ខែមេសា មុនពេលស្នើសុំវិធានការ និងថវិកាទៅគណៈរដ្ឋមន្ត្រីដើម្បីអនុម័ត។

លោកក៏បានរិះគន់ក្រសួងកសិកម្មថៃផងដែរ ចំពោះការមិនគាំទ្រកសិករក្នុងការបោះបង់ចោលនូវការដុតដើមដំណាំក្រោយការប្រមូលផល រួមទាំងការមិនផ្ដល់ប្រាក់ ៥០០ បាត/រ៉ៃ តាមកញ្ចប់ឧបត្ថម្ភធនដែលបានសន្យា។ សមាគមបានស្នើម្តងហើយម្តងទៀតទៅគណៈកម្មាធិការគោលនយោបាយ និងគ្រប់គ្រងអង្ករជាតិស្តីពីផលិតកម្ម៕

Related Topics:អង្ករ ថៃ កសិករថៃ កសិកម្មថៃ ថ្លៃដំណាំ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា