ព័ត៌មានអន្ដរជាតិ

បំណុលគ្រួសារថៃធ្លាក់ចុះទាបបំផុតក្នុងរយៈពេល ៥ ឆ្នាំ ប៉ុន្តែនៅប្រឈមបញ្ហាខ្ពស់នៅឡើយ

បានផុស

១ year មុន

នៅ

ថ្ងៃអង្គារ ១ កក្កដា ២០២៥

ដោយ

បំណុលគ្រួសារថៃ បានធ្លាក់ចុះដល់កម្រិតទាបបំផុតរាប់តាំងពីដើមឆ្នាំ ២០២០ ក្រោយពីបណ្ដាធនាគាររឹតត្បឹតលើការផ្ដល់ប្រាក់កម្ចីថ្មីៗ ហើយរដ្ឋាភិបាលចេញវិធានការគាំទ្រដល់អ្នកខ្ចីក្នុងស្រុករាប់លាននាក់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះធ្លាក់ចុះទាបជាងមុនក្ដី កម្រិតនៃបំណុលគ្រួសារថៃនៅតែមានអត្រាខ្ពស់ធៀបនឹង GDP (ផលិតផលក្នុងស្រុកសរុប) ដែលបន្តជាបញ្ហាប្រឈមធំសម្រាប់កំណើនសេដ្ឋកិច្ចថៃ ដែលដើរអូសជើង។

រ៉យទ័របានស្រង់ទិន្នន័យរបស់ធនាគារកណ្ដាលថៃ ដែលចេញផ្សាយកាលពីថ្ងៃចន្ទថា នៅត្រីមាសទី ១ ឆ្នាំនេះ កម្រិតបំណុលគ្រួសារថៃឈរនៅអត្រា ៨៧,៤ ភាគរយ ធៀបនឹង GDP ដែលធ្លាក់ចុះពី ៨៨,៤ ភាគរយ នៅត្រីមាសចុងក្រោយ ឆ្នាំ ២០២៤។ ជាលម្អិត ចំនួនបំណុលគ្រួសារថៃ បានធ្លាក់ចុះមកត្រឹម ១៦,៣៥ ទ្រីលានបាត (៥០៣ ប៊ីលានដុល្លារ) គិតត្រឹមចុងខែមីនា ពី ១៦,៤ ទ្រីលានបាត។

ថ្នាក់ដឹកនាំជាន់ខ្ពស់ធនាគារកណ្ដាលថៃ លោក Pranee Sutthasri សេដ្ឋកិច្ចថៃបានកើនឡើង ៣,‌១ ភាគរយ នៅចន្លោះពីខែមករា ដល់ខែមីនា ២០២៥ ដែលនោះក៏រួមចំណែកផងដែរ ដល់ការថយចុះនៃកម្រិតបំណុលគ្រួសារធៀបនឹង GDP។

គួរគូសបញ្ជាក់ថា ថៃមានអនុបាតបំណុលគ្រួសារខ្ពស់បំផុតក្នុងតំបន់អាស៊ីអាគ្នេយ៍ ដែលជាបញ្ហាប្រឈមដ៏ធំធ្វើឱ្យសេដ្ឋកិច្ចថៃ កើនឡើងក្នុងអត្រាទាបយឺតយ៉ាវធៀបនឹងប្រទេសដទៃក្នុងតំបន់។

កាលពីឆ្នាំមុន រដ្ឋបាលរបស់លោកស្រីនាយករដ្ឋមន្ត្រី ផែថងថាន ស៊ីណាវ៉ាត្រ បានប្រកាសវិធានការបន្ធូរបន្ថយបំណុល ដែលកំណត់គោលដៅលើអ្នកខ្ចីប្រហែល ១,៩ លាននាក់ ជាមួយនឹងបំណុលសរុប ៨៩០ ប៊ីលានបាត។ ភាគច្រើន កម្ចីគ្រួសារថៃត្រូវបានគេរាប់ចូលទៅក្នុងប្រភេទកម្ចី «ប្រើប្រាស់ផ្ទាល់ខ្លួន»។ ការណ៍នេះហើយ ធ្វើឱ្យធនាគារថៃរឹតបណ្ដឹងលើការផ្ដល់ប្រាក់កម្ចីផ្សេងៗ រួមទាំងកម្ចីទិញរថយន្ត។ កត្តាទាំង២នេះ ធ្វើឱ្យកម្រិតបំណុលគ្រួសារធ្លាក់ចុះ៕