ព័ត៌មានអន្ដរជាតិ

អ្នកជំនាញជំរុញវៀតណាមឱ្យកំណត់គោលដៅទេសចរពីប្រទេសមានទីផ្សារកំពុងរីកចម្រើន

បានផុស

១០ ខែ មុន

នៅ

ថ្ងៃពុធ ១៦ កក្កដា ២០២៥

ដោយ

អ្នកជំនាញបាននិយាយថា ដើម្បីទាក់ទាញរលកថ្មីនៃទេសចរសកល ជាពិសេសអ្នកមកពីអឺរ៉ុបខាងកើត និងរដ្ឋឯករាជ្យ (CIS) ការប្រើប្រាស់ទីផ្សារដែលផ្អែកលើទិន្នន័យ និងយុទ្ធសាស្ត្រដែលផ្អែកលើការយល់ដឹង គឺជាគន្លឹះសម្រាប់អនាគតនៃវិស័យទេសចរណ៍វៀតណាម។ នេះបើតាមការចុះផ្សាយរបស់កាសែត Viet Nam News។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាពីក្រុមហ៊ុន Yango Ads បានបង្ហាញពីការផ្លាស់ប្តូរដ៏ធំក្នុងធ្វើដំណើរជាសកល នោះគឺក្រុមអ្នកធ្វើដំណើរថ្មីមកពីប្រទេសមានទីផ្សារកំពុងរីកចម្រើន ។ ខណៈទេសចរណ៍អន្តរជាតិវិលត្រឡប់ទៅរកប្រក្រតីភាពដូចមុនសម័យកូវីដ១៩ បណ្តាប្រទេសដូចជាវៀតណាម អាចទាញយកប្រយោជន៍ពីការផ្លាស់ប្ដូរនៃនិន្នាការធ្វើដំណើរនេះ។ Yango Ads បានចាត់ទុកការវិវត្តនៃទម្លាប់ការធ្វើដំណើរ និងយុទ្ធសាស្រ្តឌីជីថល ជាឧបករណ៍គន្លឹះដើម្បីទាក់ទាញភ្ញៀវទេសចរថ្មីទាំងនោះ និងជំរុញវិស័យទេសចរណ៍របស់វៀតណាម។

ទេសចរពីប្រទេសមានទីផ្សារកំពុងរីកចម្រើន មានដូចជារុស្ស៊ី កាហ្សាក់ស្ថាន បេឡារូស ហ្ស៊កហ្ស៊ី និងបណ្ដាប្រទេសមួយចំនួនទៀតនៅអឺរ៉ុបខាងកើត និងប្រទេស CIS ។ Yango Ads បាននិយាយថា ទេសចរពីប្រទេសទាំងនេះ ភាគច្រើនមានវ័យក្មេង និងចូលចិត្តផ្សងព្រេង។

ទិសដៅទេសចរណ៍អាស៊ីខាងត្បូង និងអាស៊ីអាគ្នេយ៍ កំពុងទទួលបានប្រជាប្រិយភាពយ៉ាងឆាប់រហ័ស ដោយប្រទេសមួយចំនួនដូចជា ថៃ ម៉ាល់ឌីវ ស្រីលង្កា និងវៀតណាម បានក្លាយជាគោលដៅស្វែងរករបស់ភ្ញៀវ។ កត្តាសំខាន់ៗពីតំបន់ទាំងនេះ រួមមានអាកាសធាតុ ការចំណាយលើការធ្វើដំណើរ ភាពងាយស្រួលនៃជើងហោះហើរ ភាពចម្រុះនៃវប្បធម៌ និងការទទួលបានទិដ្ឋាការស្រួលជាដើម។

លោក Thu Nguyễn អ្នកគ្រប់គ្រងផ្នែកអភិវឌ្ឍន៍អាជីវកម្មរបស់ Yango Ads វៀតណាម បាននិយាយថា៖ «អ្នកធ្វើដំណើរពីទីផ្សារកំពុងរីកចម្រើន បង្ហាញចំណូលចិត្តយ៉ាងច្បាស់សម្រាប់តម្លៃ បទពិសោធន៍ និងភាពងាយស្រួលនៃការរៀបចំផែនការ វប្បធម៌រស់រវើក សម្រស់ធម្មជាតិ និងតម្លៃប្រកួតប្រជែងរបស់វៀតណាម»៕