ព័ត៌មានអន្ដរជាតិ
ត្រាំ ថា អាមេរិកមិនពន្យារពេលទៀតទេ ខណៈពន្ធខ្ពស់ចូលធរមានស្អែក
ខណៈពន្ធខ្ពស់នឹងចូលជាធរមាននៅថ្ងៃស្អែកនេះ ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយថា លោកនឹងមិនពន្យារពេលចាប់ផ្ដើមអនុវត្តវាទៀតនោះទេ។ នេះបើតាមការចុះផ្សាយរបស់បណ្ដាញទូរទស្សន៍ CNBC។
លោក ត្រាំ បានសរសេរនៅលើបណ្ដាញសង្គម Truth Social កាលពីថ្ងៃពុធ យ៉ាងដូច្នេះថា៖ «កាលកំណត់ ១ សីហា គឺកាលកំណត់ ១ សីហា។ វានៅតែដដែល ដោយនឹងគ្មានការពន្យារពេលទៀតទេ។ ជាថ្ងៃមួយដ៏ធំសម្រាប់អាមេរិក»។
ក្រោយមកនោះទៀត លោក ត្រាំ បាននិយាយថា សហរដ្ឋអាមេរិកនឹងដាក់ពន្ធ ២៥ ភាគរយ លើទំនិញពីឥណ្ឌា រួមជាមួយនឹងការពិន័យសម្រាប់ការទិញឧបករណ៍យោធា និងថាមពលពីប្រទេសរុស្ស៊ី ដែលកំពុងបន្តឈ្លានពានអ៊ុយក្រែន។
គួរគូសបញ្ជាក់ថា លោក ត្រាំ បានប្រកាសពន្ធមូលដ្ឋាន និងពន្ធ «គយបដិការ» កាលពីដើមខែមេសា ចន្លោះពី ១០-៥០ ភាគរយ លើបណ្ដាប្រទេសទូទាំងពិភពលោក។ យ៉ាងណាមិញ ប៉ុន្មានម៉ោងក្រោយពន្ធបដិការ ដែលខ្ពស់ជាង ១០ ភាគរយ ចូលជាធរមាននៅថ្ងៃទី ៩ មេសា លោកបានប្រកាសពន្យារពេលអនុវត្តវា ៩០ ថ្ងៃ ដើម្បីសម្រាប់ការចរចា។ ហើយមកដល់ថ្ងៃទី ៩ កក្កដា ដែលពន្ធដដែលកំណត់ចូលជាធរមាន លោកបានប្រកាសពន្យារពេលម្ដងទៀត មកដល់ថ្ងៃទី ១ សីហា ស្អែក៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ