ព័ត៌មានអន្ដរជាតិ

ADB អនុម័តកម្ចី ៥០០ លានដុល្លារ ឱ្យឥណ្ឌូណេស៊ី ដើម្បីកែលម្អការប្រមូលពន្ធ

បានផុស

១១ ខែ មុន

នៅ

ថ្ងៃសុក្រ ១៥ សីហា ២០២៥

ដោយ

ធនាគារអភិវឌ្ឍន៍អាស៊ី (ADB) បានប្រកាសកាលពីថ្ងៃព្រហស្បតិ៍ថា ខ្លួនបានអនុម័ត «ឥណទានផ្អែកលើគោលនយោបាយ» ចំនួន ៥០០ លានដុល្លារ ឱ្យឥណ្ឌូណេស៊ី ដើម្បីគាំទ្រផែនការពង្រឹងប្រព័ន្ធប្រមូលពន្ធរបស់ប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់កាសែត Jakarta Globe កាលពីថ្ងៃព្រហស្បតិ៍ ការអនុម័តនេះធ្វើឡើង ចំពេលដែលឥណ្ឌូណេស៊ីប្រឈមមុខនឹងការលំបាកក្នុងការសម្រេចបានគោលដៅចំណូលពន្ធប្រចាំឆ្នាំរបស់ខ្លួន គួបផ្សំនឹងបញ្ហាមួយចំនួនជុំវិញវេទិកាពន្ធឌីជីថល Coretax ។

នាយក ADB ប្រចាំប្រទេសឥណ្ឌូណេស៊ី លោក Jiro Tominaga បាននិយាយថា៖ «តាមរយៈការធ្វើទំនើបកម្មការគ្រប់គ្រងពន្ធដារក្រោមការធ្វើឌីជីថលបនីយកម្ម និងការពង្រឹងកិច្ចសហប្រតិបត្តិការពន្ធអន្តរជាតិ ឥណ្ឌូណេស៊ីនឹងកាន់តែប្រសើរឡើងក្នុងការផ្តល់ហិរញ្ញប្បទានដល់ការអភិវឌ្ឍន៍អទិភាពរបស់ខ្លួន ខណៈរក្សាបាននូវស្ថិរភាពម៉ាក្រូសេដ្ឋកិច្ច»។

គួរគូសបញ្ជាក់ថា ឥណទានផ្អែកលើគោលនយោបាយនេះក៏មានគោលបំណងធ្វើឱ្យឥណ្ឌូណេស៊ី ចុះចំណោមកិច្ចសហប្រតិបត្តិការពន្ធអន្តរជាតិផងដែរ។ លោក Tominaga បាននិយាយថា កម្មវិធីនេះអាចជួយឥណ្ឌូណេស៊ីគាំទ្រគំនិតផ្តួចផ្តើមជាសកល ក្នុងការធ្វើឱ្យប្រាកដថា សាជីវកម្មពហុជាតិបង់ពន្ធរបស់ខ្លួន។

គួរគូសបញ្ជាក់ថា ឥណទាន ៥០០ លានដុល្លារដដែល ជាកម្មវិធីដំបូងក្នុងចំណោមកម្មវិធីតូចៗចំនួន ៣ ក្រោម «កម្មវិធីប្រមូលធនធានក្នុងស្រុកសម្រាប់ប្រទេសឥណ្ឌូណេស៊ី» របស់ ADB៕