ព័ត៌មានអន្ដរជាតិ

ការស្ទង់មតិរ៉យទ័រ៖ សកម្មភាពរោងចក្រចិនទំនងធ្លាក់ចុះជាថ្មីនៅខែសីហា

បានផុស

១១ ខែ មុន

នៅ

ថ្ងៃសុក្រ ២៩ សីហា ២០២៥

ដោយ

ការស្ទង់មតិចុងក្រោយរបស់ទីភ្នាក់ងារសារព័ត៌មានរ៉យទ័រ បានបង្ហាញថា សកម្មភាពរោងចក្រនៅក្នុងប្រទេសចិនទំនងធ្លាក់ចុះជាថ្មីនៅខែសីហា ដែលជាការធ្លាក់ចុះ ៥ ខែជាប់ៗគ្នា ដោយសារតែភាពស្រពិចស្រពិលនៃភាពតានតឹងពាណិជ្ជកម្មជាមួយសហរដ្ឋអាមេរិក ក្ដីបារម្ភពីទីផ្សារការងារក្នុងស្រុក និងការបន្តអូសបន្លាយនៃវិបត្តិអចលនទ្រព្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ទង់មតិដែលធ្វើឡើងលើសេដ្ឋកិច្ចវិទូចំនួន ២១ នាក់ នេះ បានព្យាករថា សន្ទស្សន៍អ្នកគ្រប់គ្រងការបញ្ជាទិញផ្លូវការ (PMI) នឹងមានត្រឹម ៤៩,៥ ពិន្ទុ ធៀបនឹង ៤៩,៣ ពិន្ទុ នៅខែកក្កដា។ ចំនួននេះរាប់ចាត់ទុកថាជាការធ្លាក់ចុះ ដោយសារតែវាស្ថិតនៅក្រោម ៥០ ពិន្ទុ ដែលបែងចែកការធ្លាក់ចុះ និងកំណើន។

រដ្ឋាភិបាលចិននឹងចេញផ្សាយទិន្នន័យ PMI ប្រចាំខែសីហា របស់ខ្លួន នៅថ្ងៃអាទិត្យខាងមុខ។

បណ្ដាសេដ្ឋវិទូ បាននិយាយថា បញ្ហា ៣ ធំៗ រួមមានសម្ពាធលើការនាំចេញរបស់ចិន វិបត្តិអចលនទ្រព្យដែលដាក់សម្ពាធលើការចំណាយរបស់ប្រជាជន និងកំណើននៃភាពមិនច្បាស់លាស់ក្នុងវិស័យការងារ គឺជាកង្វល់ស្នូលសម្រាប់សេដ្ឋកិច្ចចិន។

ក្រៅពីនេះ បញ្ហាធាតុអាកាស ដែលបង្កការខូចខាតហេដ្ឋារចនាសម្ព័ន្ធ និងអាជ្ញាធរមូលដ្ឋានដែលជួបបញ្ហាហិរញ្ញវត្ថុ អាចនឹងបន្ថែមសម្ពាធដល់ការសម្រេចបានគោលដៅកំណើនសេដ្ឋកិច្ចប្រហែល ៥ ភាគរយ របស់រដ្ឋាភិបាលចិន៕