សេដ្ឋកិច្ច

តំបន់សេដ្ឋកិច្ចពិសេសនៅស្វាយរៀង កំពុងដើរតួនាទីជាក្បាលម៉ាស៊ីន ទាក់ទាញវិនិយោគ និងបង្កើតការងារ

បានផុស

៩ ខែ មុន

នៅ

ថ្ងៃអាទិត្យ ២៨ កញ្ញា ២០២៥

ដោយ

តំបន់សេដ្ឋកិច្ចពិសេសទាំង ១៣ ដំណើរការនៅខេត្តស្វាយរៀង កំពុងដើរតួនាទីជាក្បាលម៉ាស៊ីនក្នុងការស្រូបយកវិនិយោគ និងបង្កើតការងារជូនប្រជាពលរដ្ឋកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាមានប្រសាសន៍ថា តំបន់សេដ្ឋកិច្ចពិសេសមួយចំនួនកំពុងមមាញឹកក្នុងការអភិវឌ្ឍហេដ្ឋារចនាសម្ព័ន្ធ និងការសាងសង់រោងចក្រដែលនឹងចាប់ផ្តើមដំណើរការនៅពេលឆាប់ៗខាងមុខ ដោយមានតម្រូវការកម្មករនិយោជិតរាប់ពាន់កន្លែង ជូនបងប្អូនប្រជាពលរដ្ឋ ជាពិសេសចំពោះបងប្អូន ដែលទើបត្រឡប់ពីប្រទេសថៃ។

លោក ជា វុទ្ធី បានលើកឡើងក្នុងពេលចុះនិត្យវឌ្ឍនភាពនៃការអភិវឌ្ឍតំបន់សេដ្ឋកិច្ចពិសេស នៅខេត្តស្វាយរៀង នៅថ្ងៃទី ២៧ ខែកញ្ញា ឆ្នាំ ២០២៥។

លោក ជា វុទ្ធី បន្ថែមថា នៅក្នុងតំបន់សេដ្ឋកិច្ចពិសេសថ្មីៗមួយចំនួន ដូចជាក្នុងតំបន់សេដ្ឋកិច្ចពិសេស ហ័រស៊ាង អ៊ិនធើណេសិណល មានសហគ្រាសវិនិយោគខ្លះ កំពុងធ្វើការផលិតនូវផលិតផលពាក់កណ្ដាលសម្រេច និងនាំចេញទៅប្រទេសចិនវិញ ដើម្បីផលិតជាផលិតផលសម្រេច ដែលនេះក៏ជាសញ្ញាណថ្មីមួយបន្ថែមទៀតសម្រាប់វិស័យឧស្សាហកម្មនៅកម្ពុជា៕