ពិតទេដែលថា វីរុសកូវីដ-១៩ ឆ្លងតាមរយៈចំណីអាហារ?

​គ្រប់​គ្នាធ្លាប់​បាន​ដឹង​ហើយ​ថា វីរុស​ COVID-19 អាច​ឆ្លង​បាន​លឿនពីមនុស្សម្នាក់ទៅមនុស្សម្នាក់ទៀតតាមរយៈដំណក់ទឹកក្នុងបរិយាកាសនៅពេលដែលអ្នកជំងឺក្អកឬកណ្តាស់ ហើយ​មេរោគនេះក៏​អាច​រស់​នៅ​បាន​លើ​ផ្ទៃ​វត្ថុ​ផ្សេងៗ​បាន​យូរ​ផង​ដែរ។

យោងតាមការសិក្សាមួយដែលបានចុះផ្សាយនៅក្នុងទស្សនាវដ្តីវេជ្ជសាស្ត្រអង់គ្លេស (NEJM) អ្នកស្រាវជ្រាវបានរកឃើញថា វីរុសកូវីដ-១៩​អាចទំលើសម្ភារប្រើប្រាស់បានរាប់ម៉ោង ​ហើយវាក៏អាចជាប់នៅលើលោហៈធាតុនានារហូតដល់រាប់ថ្ងៃ និងបន្តក្លាយជាខែក៏មាន។

នៅក្នុងការសិក្សារបស់ NEJM ក្រុមអ្នកស្រាវជ្រាវបានបញ្ជាក់ថា វីរុសកូវីដ-១៩ អាចរស់នៅលើវត្ថុមួយចំនួនបានច្រើនថ្ងៃដូចជា ខ្យល់ ​៣ ម៉ោង, អេក្រង់ទូរសព្ទ ៤ ថ្ងៃ, ដែក ៩ ថ្ងៃ, អាលុយមីញ៉ូម ២-៨ ម៉ោង, លោហៈផ្សេងទៀត ៥ ថ្ងៃ, ក្រដាសកាតុង ឬកេះ ៥ ថ្ងៃ, សម្លៀកបំពាក់ ៣ ថ្ងៃ, កែវ ៥ ថ្ងៃ, ប្លាស្ទិក ៩ ថ្ងៃ, ស្រោមដៃពេទ្យ ៨ ម៉ោង, ឈុតការពាររោគ ២ ថ្ងៃ, ឈើ ៤ ថ្ងៃ, ទឹក ៤ ថ្ងៃ និងនៅក្នុងទូទឹកកក ១ ខែ ។

ដោយឡែកការតោងជាប់មេរោគនៅលើចំណីអាហារ ​ អង្គការ​សុខភាពពិភពលោក (WHO) បាន​ឲ្យ​ដឹងថា អាជ្ញាធរ​សុវត្ថិភាព​ចំណី​អាហារ​អន្តរជាតិកំពុង​សិក្សា​បន្ថែម​ស្តី​ពី​ការ​ស៊ូ​រស់​នៅ​លើ​អាហារ​របស់​វីរុស COVID-19។ ប៉ុន្តែមក​ដល់​សព្វ​ថ្ងៃ​ ករណី​ឆ្លង​វីរុស COVID-19 ​តាម​រយៈ​ម្ហូបអាហារ​ឬការរស់នៅរបស់មេរោគលើចំណីចំណុក នៅ​មិន​ទាន់​ត្រូវ​បាន​រាយការណ៍​មួយ​ករណី​នៅ​ឡើយ​ទេ។

ទោះយ៉ាងណាក៏ដោយ មានតែការប្រកាន់ខ្ជាប់នូវអនាម័យប៉ុណ្ណោះ ទើបអាចធានាសុវត្ថិភាពសម្រាប់គ្រប់គ្នាបានល្អ។ ទម្លាប់បរិភោគស្អាតនិងឆ្អិនល្អ ឧស្សាហ៍សម្អាតសម្ភារប្រើប្រាស់ឬវត្ថុដែលប៉ះពាល់ផ្ទាល់ ព្រមទាំងការរក្សាអនាម័យផ្ទាល់ខ្លួនជាប្រចាំ នោះច្បាស់ជាអាចទប់ស្កាត់ការចម្លងរោគពុំខាន៕

ប្រែសម្រួល៖ សន្យា

ប្រភព៖ goodrx

ចុចអាន៖ តើវីរុសកូវីដ-១៩ អាចរស់នៅលើអេក្រង់ទូរសព្ទបានប៉ុន្មានថ្ងៃ?

ចុចអាន៖ ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២​ម៉ោង

ចុចអាន៖ ប្រយ័ត្ន! វីរុសកូវីដ-១៩ អាចចម្លងតាមក្រដាសប្រាក់