ពិសេសណាស់! វ៉ាក់សាំង Sinopharm មានប្រសិទ្ធភាព ទប់ស្កាត់ការឆ្លងកូវីដសឹង ១០០ភាគរយ

យោងតាមការសិក្សាមួយដែលធ្វើឡើងនៅទីក្រុង អាប៊ូដាប៊ី បានបង្ហាញថា វ៉ាក់សាំង Sinopharm មានប្រសិទ្ធភាពលើស៩០ភាគរយ ក្នុងការការពារមនុស្សពីការឆ្លងជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរនិយាយថា ការស្រាវជ្រាវបានរកឃើញពីការថយចុះគួរឲ្យកត់សម្គាល់នៃអត្រាឆ្លងជំងឺកូវីដ-១៩ ក្នុងចំណោមមនុស្សដែលបានទទួលវ៉ាក់សាំងដូសទី២រួច នៅក្នុងប្រទេសអារ៉ាប់រួម។

ការសិក្សា ដែលធ្វើឡើងដោយមជ្ឈមណ្ឌលសុខភាពសាធារណៈអាប៊ូដាប៊ី បានរកឃើញថាភាគច្រើននៃអ្នកឆ្លងរោគ បន្ទាប់ពីបញ្ចប់ការសិក្សាគឺមានអាការៈស្រាល និងមិនត្រូវការការព្យាបាលនៅក្នុងមន្ទីរពេទ្យទេ។

តាមការស្រាវជ្រាវ វ៉ាក់សាំងនេះត្រូវបានគេរកឃើញថាមានប្រសិទ្ធភាព៩៣ភាគរយ ក្នុងការទប់ស្កាត់បញ្ជូនទៅព្យាបាលក្នុងមន្ទីរពេទ្យ និងប្រសិទ្ធភាព៩៥ភាគរយ ប្រឆាំងការបញ្ជូនទៅសង្គ្រោះបន្ទាន់។

គ្មានការស្លាប់ត្រូវបានគេកត់ត្រាទេ ក្នុងចំណោមអ្នកដែល ទទួលបានវ៉ាក់សាំងគ្រប់ដូសហើយ។

ទោះបីជាយ៉ាងណាក៏ដោយ គេមិនបញ្ជាក់ថាតើការសិក្សានេះ ត្រូវបានធ្វើឡើងនៅពេលណាឬចំនួនមនុស្សប៉ុន្មាននាក់ដែលត្រូវបានគេរាប់បញ្ចូល ក្នុងការស្រាវជ្រាវនេះនោះទេ។

អ្នកស្រាវជ្រាវបាននិយាយថា អង់ទីគ័រប្រឆាំងមេរោគកូវីដ បានបញ្ចេញយ៉ាងល្អបំផុតតាមរយៈការចាក់វ៉ាក់សាំងនេះ និងតាមរយៈការប្រកាន់ខ្ជាប់នូវវិធានការបង្ការជាមុន៕

ប្រែសម្រួលដោយ៖ Vann Vann

ប្រភព៖ The​ National News

ចុចអាន៖ ដំណឹងល្អ! ចិនអនុម័តវ៉ាក់សាំងកូវីដទី ៣ របស់ក្រុមហ៊ុន Sinopharm សម្រាប់ការសាកល្បងព្យាបាល