កូវីដ-១៩

ជាក្ដីសង្ឃឹមមួយទៀតសម្រាប់ប្រទេសក្រីក្រ ខណៈអាមេរិកបើកការចរចាជាមួយ WTO ពាក់ព័ន្ធការដកប៉ាតង់ផលិតវ៉ាក់សាំង

បានផុស

៣ years មុន

នៅ

ថ្ងៃអង្គារ ៤ ឧសភា ២០២១

ដោយ

រដ្ឋបាលលោក Biden បាននិយាយថា ខ្លួននឹងចាប់ផ្ដើមពិភាក្សានៅសប្ដាហ៍នេះ ជាមួយអង្គការពាណិជ្ជកម្មពិភពលោក (WTO) អំពីការដកកម្មសិទ្ធិបញ្ញាសម្រាប់ការផលិតឬចាក់វ៉ាក់សាំងកូវីដ ១៩ ខណៈសកម្មជននិងមេដឹកនាំបរទេសកំពុងជំរុញឲ្យមានវិធានការនេះ ដើម្បីបម្រើផលប្រយោជន៍ដល់ប្រទេសក្រីក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ron Klain ប្រធានបុគ្គលិកសេតវិមានបានប្រាប់សារព័ត៌មាន CBS Face the Nation នៅក្នុងបទសម្ភាសន៍កាលពីថ្ងៃអាទិត្យថា លោកស្រី Katherine Tai អ្នកចរចាពាណិជ្ជកម្មកំពូលរបស់សហរដ្ឋអាមេរិក នឹងធ្វើដំណើរទៅអង្គការពាណិជ្ជកម្មពិភពលោក ដើម្បីបើកកិច្ចពិភាក្សា ស្ដីពីរបៀបដែលគ្រប់គ្នាអាចចាក់វ៉ាក់សាំងកូវីដឲ្យកាន់តែទូលំទូលាយ ទៅកាន់ប្រទេសក្រីក្រ នៅពេលមានការលើកលែងប៉ាតង់ ។

ការប្រកាសនេះត្រូវបានធ្វើឡើងដោយមានសម្ពាធ ពីសកម្មជន អ្នកនយោបាយនិងមេដឹកនាំបរទេសឈរនៅលើសេតវិមាន ដើម្បីគាំទ្រការលើកលែងប៉ាតង់ឱសថលើការផលិតវ៉ាក់សាំងនិងអនុញ្ញាតឲ្យបណ្ដាប្រទេសក្រីក្រ ធ្វើការចាក់ថ្នាំបង្ការរោគដោយខ្លួនឯង។

ដោយឡែកកាលពីដើមសប្ដាហ៍មុន នាយករដ្ឋមន្ត្រីឥណ្ឌាលោក Narendra Modi បានប្រាប់លោក Joe Biden តាមទូរស័ព្ទអំពីចលនាមួយដែលខ្លួនបានដាក់នៅចំពោះមុខ អង្គការពាណិជ្ជកម្មពិភពលោក រួមជាមួយប្រទេសអាហ្វ្រិកខាងត្បូង ដើម្បីលើកលែងបទប្បញ្ញត្តិពាណិជ្ជកម្មមួយចំនួន ទាក់ទងនឹងការផលិតវ៉ាក់សាំង។ ចលនាអំពាវនាវឲ្យមានការលះបង់សិទ្ធិ ” រហូតដល់ការចាក់វ៉ាក់សាំងរីករាលដាលត្រូវបានអនុវត្តជាសកល ហើយប្រជាជនភាគច្រើននៅលើពិភពលោកមានប្រព័ន្ធភាពស៊ាំក្នុងរាងកាយ ” ។

សូម្បីតែប្រមុខរដ្ឋជាង ១៧០ នាក់និងអ្នកទទួលរង្វាន់ណូបែល រួមមានលោក Kim Campbell អតីតនាយករដ្ឋមន្ត្រីកាណាដា និងអតីតនាយករដ្ឋមន្ត្រីអង់គ្លេស Gordon Brown ក៏បានអំពាវនាវនិងគាំទ្រដល់ចលនានេះដែរ។ មេដឹកនាំទាំងនេះបាននិយាយនៅក្នុងលិខិតដែលផ្ញើទៅប្រធានាធិបតីថា ” ការលះបង់សិទ្ធិរបស់អង្គការពាណិជ្ជកម្មពិភពលោក គឺជាជំហានចាំបាច់ដើម្បីបញ្ចប់ការរាតត្បាតនេះ ។ ជាមួយនឹងការដឹកនាំរបស់អ្នក យើងអាចធានាបាននូវបច្ចេកវិទ្យានៃវ៉ាក់សាំងកូវីដ ១៩ ត្រូវបានចែករំលែកទៅកាន់ពិភពលោក ” ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖វ៉ាក់សាំងជាក្តីសង្ឃឹម! មានមនុស្ស ១ភាគរយគត់ ដែលត្រូវបញ្ជូនទៅព្យាបាលកូវីដនៅមន្ទីរពេទ្យ ទោះចាក់បានត្រឹម១ដូស

ចុចអាន៖មានសង្ឃឹមហើយ! ក្រោយ WHO អនុម័តប្រើប្រាស់ជាបន្ទាន់ ប្រទេសក្រីក្រត្រៀមទទួលវ៉ាក់សាំង Moderna ចំនួន ៥០០ លានដូសពីកម្មវិធី COVAX