ឥណ្ឌា បន្តបំបែកកំណត់ត្រាទាំងករណីឆ្លងនិងស្លាប់ ដោយសារជំងឺកូវីដ-១៩

តួលេខដែលបញ្ចេញដោយក្រសួងសុខាភិបាលឥណ្ឌាបានបង្ហាញថា នៅថ្ងៃព្រហស្បតិ៍នេះ ប្រទេសឥណ្ឌា បានរាយការណ៍ពីករណីឆ្លងជំងឺកូវីដ-១៩ថ្មីចំនួន ៤១២,២៦២ករណី ដែលជាកំណត់ត្រាឆ្លងប្រចាំថ្ងៃខ្ពស់បំផុត។

រហូតមកដល់ពេលនេះ អាជ្ញាធរបានរកឃើញករណីឆ្លងចំនួន ២១,០៧៧,៤១០ករណី។

ឥណ្ឌា ក៏បានរាយការណ៍អំពីការស្លាប់ដោយសារជំងឺកូវីដ-១៩ក្នុងកម្រិតកំណត់ត្រាថ្មី ចំនួន៣,៩៨០នាក់ផងដែរ នៅថ្ងៃព្រហស្បតិ៍នេះ។

វាជាថ្ងៃទី៩ជាប់ៗគ្នាហើយ ដែលចំនួនអ្នកស្លាប់ត្រូវបានរកឃើញលើស ៣,០០០នាក់ ក្នុងរយៈពេល២៤ម៉ោង។

គិតត្រឹមពេលនេះ មានមនុស្សចំនួន២៣០,១៦៨នាក់ហើយ បានស្លាប់ក្នុងប្រទេសឥណ្ឌា ដោយសារកូវីដ។

ប្រទេសឥណ្ឌា កំពុងស្ថិតនៅក្នុងរលកទី២ដ៏ធ្ងន់ធ្ងរ នៃវិបត្តិជំងឺកូវីដ-១៩។ ក្នុងរយៈពេល៣០ថ្ងៃកន្លងមកនេះ ឥណ្ឌាបានកត់ត្រាករណីឆ្លងរហូតដល់ទៅ ៨.៣លានករណី។ ចាប់តាំងពីថ្ងៃទី២២ខែមេសាមក ការឆ្លងជាង៣០ម៉ឺនករណីត្រូវបានបន្ថែមជារៀងរាល់ថ្ងៃ៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ ទៀតហើយ! ប្រជាជនឥណ្ឌារាប់ពាន់នាក់ គ្មានពាក់ម៉ាស់ ដើរក្បួនដង្ហែយកទឹកអម្រឹតថ្វាយព្រះដើម្បី កម្ចាត់កូវីដ-១៩ (មានវីដេអូ)