កូវីដ-១៩

ខេត្តឧត្តរមានជ័យ រកឃើញពលករខ្មែរម្នាក់មកពីថៃ វិជ្ជមានកូវីដ១៩

បានផុស

៥ years មុន

នៅ

ថ្ងៃចន្ទ ១០ ឧសភា ២០២១

ដោយ

ពលករខ្មែរមកពីថៃម្នាក់ទៀតហើយ ត្រូវបានរកឃើញថា មានវិជ្ជមានកូវីដ១៩។ នេះបើតាម សេចក្ដីប្រកាសព័ត៌មាន របស់រដ្ឋបាលខេត្តឧត្តរមានជ័យ ដែលចេញនៅថ្ងៃទី៩ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលមានវិជ្ជមានកូវីដ១៩នេះ ឈ្មោះ ឆៃ ស៊ីណា ភេទស្រី អាយុ៣៥ឆ្នាំ មានទីលំនៅភូមិគោកសម្រេច ឃុំក្រសាំង ស្រុកចុងកាល់ ឧត្តរមានជ័យ។ គាត់ជាពលករដែលបានវិលត្រលប់មកពីក្រុងបាងកក ប្រទេសថៃ កាលពីថ្ងៃទី៨ ខែឧសភា ឆ្នាំ២០២១ ចូលមកក្នុងប្រទេសកម្ពុជា តាមច្រកទ្វារព្រំដែននៃខេត្តបន្ទាយមានជ័យ និងត្រូវបានដាក់ឲ្យធ្វើចត្តាឡីស័កនៅមណ្ឌលចត្តាឡីស័កពហុកីឡដ្ឋានខេត្តឧត្តរមានជ័យ ដោយបានស្នាក់នៅជាមួយពលករខ្មែរ៣នាក់ផ្សេងទៀត។

បន្ទាប់ពីលទ្ធផលសំណាកបញ្ជាក់ថា ស្ត្រីពលករខាងលើ មានវិជ្ជមានកូវីដ១៩ ក្រុមគ្រូពេទ្យបានបញ្ជូនគាត់ទៅសម្រាកព្យាបាលនៅមន្ទីរពេទ្យបង្អែកខេត្តឧត្តរមានជ័យ ចំណែកអ្នកពាក់ព័ន្ធ ត្រូវបានបញ្ជូនទៅធ្វើចត្តាឡីស័កនៅមណ្ឌលចត្តាឡីស័កផ្ទះសំណាក់ឧត្តមរដ្ឋា ដើម្បីតាមដានសុខភាព និងយកសំណាកដើម្បីពិនិត្យរកមេរោគកូវីដ១៩។

រដ្ឋបាលខេត្ត សូមថ្លែងអំណរគុណចំពោះបុគ្គលិកសុខាភិបាល កងកម្លាំង និងអ្នកពាក់ព័ន្ធ ព្រមទាំងបងប្អូនប្រជាពលរដ្ឋទាំងអស់ ដែលបានសហការ ការពារ ទប់ស្កាត់ការរីករាលដាលជំងឺកូវីដ១៩ក្ នុងសហគមន៍ខេត្តឧត្ដរមានជ័យ។ ឆ្លៀតឱកាសនេះដែរ អាជ្ញាធរក៏សូមអំពាវនាវដល់បងប្អូនប្រជាពលរដ្ឋទាំងអស់ ឲ្យបន្តអនុវត្តតាមការណែនាំរបស់រាជរដ្ឋាភិបាល វិធានការរបស់ក្រសួងសុខាភិបាល និងសេចក្ដីណែនាំរបស់ខេត្តឲ្យបានម៉ឺងម៉ាត់ និងត្រូវប្រកាន់ខ្ជាប់នូវ ការរក្សាគម្លាតរក្សាអនាម័យ លាងដៃដោយអាល់កុល ឬជែល ជាប្រចាំ៕

អត្ថបទ៖ ចាន់ ធី

សូមចុចអាន៖ អភិបាលខេត្តកំពង់ចាម ផ្អាកសកម្មភាពផលិតកម្ម ក្រុមហ៊ុន លី ឈាងខប ក្រោយកម្មករកម្មការិនីវិជ្ជមានជំងឺកូវីដ-១៩