កូវីដ-១៩

ចាក់វ៉ាក់សាំងកូវីដ១៩ ប្រភេទ Sinovac ជូនដល់ក្រុមគ្រួសារកងរាជអាវុធហត្ថ១.៥០០នាក់ក្នុងបញ្ជាការតំបន់ប្រតិបត្តិការសឹករង

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

បន្ទាយមានជ័យ ៖ ក្រុមគ្រួសារកងរាជអាវុធហត្ថ និងសាច់ញាតិអាវុធហត្ថ មានចំនួន១.៥០០នាក់បានទៅចាក់វ៉ាក់សាំងការពារការជំងឺកូវីដ-១៩ លើកទី១ ដូសទី១ នៅទីបញ្ជាការតំបន់ប្រតិបត្តិការសឹករងបន្ទាយមានជ័យនៅព្រឹក ថ្ងៃទី២១ ខែឧសភា ឆ្នាំ២០២១ ក្នុងនោះមានការចូលរួម លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត ត្រួតពិនិត្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី បោន ប៊ិនបានប្រាប់អ្នកយកព័ត៌មានឲ្យដឹងថា ការចាក់វ៉ាក់សាំងកូវីដ.១៩ ប្រភេទ Sinovac ជូនដល់ក្រុមគ្រួសារ និងសាច់ញាតិកងរាជអាវុធហត្ថ១.៥០០នាក់នេះក្នុងគោលការណ៍ស្ម័គ្រចិត្តចាប់ពីមនុស្សអាយុ១៨ឆ្នាំឡើងទៅ ហើយថ្ងៃនេះ ជាថ្ងៃទី១ នៃការបើកការ ចាក់វ៉ាក់សាំងថ្នាំបង្ការជំងឺកូវីដ.១៩ ប្រភេទ Sinovac ដែលបានប្រព្រឹត្តិទៅក្នុងក្របខ័ណ្ឌទូទាំងប្រទេស ក្រោមការគិតគូរ និងដឹកនាំដ៏ឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដើម្បីសុខមាលភាពរបស់ប្រជាជនកម្ពុជា។

ក្នុងនោះ ខេត្តបន្ទាយមានជ័យ ចំពោះកិច្ចចាក់វ៉ាក់សាំង បានរៀបចំចាក់ជូនដល់ក្រុមគ្រួសារកងរាជអាវុធហត្ថ១.៥០០នាក់ទៅតាមពេលវេលា និងទីកន្លែងដែលបានបែងចែក ក្នុងការចាក់វ៉ាក់សាំងជូនដោយផ្អែកលើគោលការស្ម័គ្រចិត្តតែប៉ុណ្ណោះ។

ក្នុងនោះលោកឧត្តមសេនីយ៍ត្រី បោន ប៊ិន បានធ្វើការផ្តាំផ្ញើដល់ក្រុមគ្រួសារនិងសាច់ញាតិអាវុធហត្ថដែលបានចាក់ចាក់វ៉ាក់សាំងកូវីដ១៩រួចហើយ ទាំងអស់សូមចូលរួមធ្វើអនាម័យឲ្យបានគ្រប់ៗគ្នា ត្រូវចូលរួមអនុវត្តឲ្យបាន៣ការពារ និង៣កុំ តាមអនុសាសន៍របស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ ក្នុងនោះមាន ៣ការពារ ៣កុំ គឺត្រូវឧស្សាហ៍លាងដៃនឹងសាប៊ូ អាល់កុល ឬជែល កុំទៅចូលក្នុងចំណោមច្រើនកកកុញ កុំចាប់ដៃគ្នា ឬឱបថើបគ្នា កុំចូលទីកន្លែងបិទ គ្មានខ្យល់ចេញចូល និងមិនត្រូវប្រើម៉ាស៊ីនត្រជាក់ច្រើនពេកនោះឡើយ៕

ដោយ ៖ វ៉ាន់ ណាង