វីដេអូថ្មី៖ សាកសពអ្នកស្លាប់ដោយសារកូវីដ អណ្តែតមកទើរនៅច្រាំងទន្លេ ឥណ្ឌា ត្រូវសត្វឆ្កែ ស៊ីជាចំណី

វីដេអូដ៏គួរឲ្យញញើត បានបង្ហាញសត្វឆ្កែអនាថា កំពុងស៊ីសាកសពមនុស្សដែលអណ្តែតមកទើរនៅច្រាំងទន្លេឥណ្ឌា ខណៈទីតាំងបូជាសព កំពុងរងបន្ទុកដោយសារតែវិបត្តិកូវីដ-១៩។

សាកសព ដែលមានខ្លះត្រូវភ្លើងឆេះអស់ពាក់កណ្តាល បានអណ្តែតមកទើរនៅច្រាំងទន្លេ Bhagirathi ក្នុងក្រុង Uttarkashi នៃរដ្ឋ Uttrakhand។

អ្នកស្រុកម្នាក់បាននិយាយកាលពីថ្ងៃចន្ទថា គាត់កំពុងគូរគំនូរនៅមាត់ទន្លេ ស្រាប់តែគាត់បាន ឃើញសត្វឆ្កែទាំងនោះកំពុង ស៊ីសាកសព។

បុរសរូបនេះ បានអំពាវនាវដល់រដ្ឋាភិបាលក្នុងតំបន់ឲ្យជួយដោះស្រាយជាមួយសាកសពទាំងនេះ។ គាត់បានប្រាប់ទូរទស្សន៍ NDTV ថា “ខ្ញុំមានអារម្មណ៍ថា វាជាការស្លាប់របស់មនុស្សជាតិ”។

ទោះបីជាអត្រាឆ្លងរបស់ប្រទេសឥណ្ឌាបានធ្លាក់ចុះ ចាប់តាំងពីបានឈានដល់កំពូលកាលពីដើមខែឧសភាក៏ដោយ ប៉ុន្តែករណីប្រចាំថ្ងៃបានកើនលើស ១២៧,០០០ករណី កាលពីថ្ងៃចន្ទ ហើយចំនួនអ្នកស្លាប់ប្រចាំថ្ងៃជាមធ្យមក្នុងរយៈពេលមួយសប្តាហ៍ចុងក្រោយនេះគឺ ៣,៥០០នាក់៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ វីដេអូស្តែងៗ ថតជាប់ពលរដ្ឋឥណ្ឌា ទម្លាក់សពអ្នកជំងឺកូវីដ ពីលើស្ពានចូលទន្លេ