កូវីដ-១៩
អាជ្ញាធរអនុញ្ញាតឲ្យបើកដំណើរការផ្សារបែកចានឡើងវិញចាប់ពីថ្ងៃទី៣មិថុនានេះតទៅ
អាជ្ញាធរខេត្តកណ្តាលបានអនុញ្ញាតឱ្យបើកដំណើរការអាជីវកម្ម នៅផ្សារបែកចានឡើងវិញចាប់ពីថ្ងៃទី០៣ ខែមិថុនា ឆ្នាំ២០២១នេះ តទៅបន្ទាប់ពីបានផ្អាកតាំងពីថ្ងៃទី២០ឧសភារួចមក។
លោក គង់សោភ័ណ្ឌ អភិបានខេត្តកណ្តាលបានឲ្យដឹងនៅក្នុងសេចក្តីជួនដំណឹងថា ការអនុញ្ញាតឲ្យផ្សារបើកដំណើរការឡើងវិញនេះក្រោយរដ្ឋបាលខេត្តបានគ្រប់គ្រងលើការឆ្លងជំងឺកូវីដ១៩ទៅលើអាជីវករលក់ដូរបានល្អប្រសើរដោយមិនមានអ្នកជាប់ព័ន្ធជាបន្តទៀតទេ។
តែយ៉ាងណាក៏ដោយ លោក អភិបាលខេត្តបានណែនាំថា ក្នុងអំឡុងពេលដំណើរការអាជីវកម្មបងប្អូនអាជីវករនិងសាធារណជនទូទៅត្រូវអនុវត្តឲ្យបានម៉ឺងម៉ាត់នូវវិធានការសុខាភិបាលរួមមានការពាក់ម៉ាសនិងការរក្សាគម្លាតសុវត្ថិភាពព្រមទាំងប្រកាន់ខ្ជាប់នូវការធ្វើអនាម័យដើម្បីសម្លាប់មេរោគនិងការវ៉ាស់កំដៅជាពិសេសអនុវត្តវិធាន៣ការពារនិង៣កុំជាចាំបាច់ដើម្បីប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ ១៩។
ជាមួយគ្នានេះដែរ លោកអភិបាលខេត្តបាន ណែនាំដល់ រដ្ឋបាលស្រុកអង្គស្នួលត្រូវអនុវត្តការហាមឃាត់ជាដាច់ខាតនៅទីតាំងឬទីតាំងកន្លែងលក់ដូរដែលមានការសង្ស័យឬរកឃើញករណីឆ្លងរាលដាលនៃជំងឺកូវីដ ១៩ដើម្បីផ្ដល់កិច្ចអន្តរាគមន៍និងចាត់វិធានការឆ្លើយតបសំដៅទប់ស្កាត់និងកាត់ផ្ដាច់កុំឲ្យមានការចម្លងឆ្លងរាលដាលជំងឺកូវីដ ១៩ទៅទីតាំងឬកន្លែងផ្សេងទៀត។
គួរបញ្ជាក់ថា ផ្សារបែកចានដែលស្ថិតនៅក្នុងឃុំបែកចានស្រុកអង្គស្នួលខេត្តកណ្តាលត្រូវបានអាជ្ញាធរសម្រេចផ្អាកដំណើរការជាបណ្តោះអាសន្នចាប់ពីថ្ងៃទី២០រហូតដល់ថ្ងៃទី២៦ ខែឧសភា ឆ្នាំ២០២១ ក្រោយរកឃើញមានអ្នកពាក់ព័ន្ធឆ្លងជំងឺកូវីដ១៩ ចូលទៅក្នុងផ្សារនោះ៕
ដោយ ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល