បាត់ដំបង​ថ្ងៃនេះ រក​ឃើញ​បន្ថែម​អ្នក​វិជ្ជមាន​កូ​វីដ​-១៩ ចំនួន ២៨ នាក់ និង​មាន​អ្នកជា​សះស្បើយ​ចំនួន ១០ នាក់​

បាត់ដំបង ៖ អាជ្ញាធរ​ខេត្ត​បាត់ដំបង នៅ​ថ្ងៃទី ២៨ ខែមិថុនា ឆ្នាំ​២០២១​នេះ បន្ត​រក​ឃើញ និង​បង្ហាញ​អត្តសញ្ញាណ​អ្នក​វិជ្ជមាន​កូ​វីដ​១៩ ចំនួន​២៨​នាក់ ក្នុង​នោះ​ជា​ពលករ​ទើប​វិលត្រឡប់​មកពី​ប្រទេស​ថៃ ចំនួន​២​នាក់ ពាក់ព័ន្ធ​នឹង​ព្រឹ​ត្តិ​ការណ៍​២០​កុម្ភៈ ចំនួន ២៦ នាក់ និង​មាន​ករណី​ជាសះស្បើយ​ចំនួន ១០ នាក់​។ នេះ​បើ​តាម​សេចក្តី​ប្រកាស​ព័ត៌មាន​ដែល​បណ្តាញ​ព័ត៌មាន កម្ពុ​ជាថ្មី ទទួល​បាន​នៅ​ល្ងាច​ថ្ងៃទី ២៨ ខែមិថុនា នេះ​។

សូមបញ្ជាក់​ថា គិត​ត្រឹម​ថ្ងៃទី ២៨ ខែមិថុនា ឆ្នាំ ២០២១​នេះ ខេត្តបាត់ដំបង មាន​អ្នក​ឆ្លង​ជំងឺ​កូ​វីដ​១៩ សរុប​ចំនួន ៨៤១ នាក់ និង​បានជា​សះស្បើយ​ចំនួន ៥១៧ នាក់ ស្លាប់​ចំនួន ៦ នាក់ និង​កំពុង​សម្រាក​ព្យាបាល​ក្នុង​មន្ទីរពេទ្យ​ចំនួន ៣១៨ នាក់​៕

ដោយ ៖ សោ និយម​រ័ត្ន