កូវីដ-១៩

ខែកក្កដានេះ វ៉ាក់សាំងនឹងមកដល់៥លានដូសបន្ថែមទៀត

បានផុស

៥ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍នាព្រឹកថ្ងៃទី០១ ខែកក្កដា នេះថា សេចក្តីត្រូវការរបស់យើង គឺវ៉ាក់សាំង ហើយយើងត្រូវចាក់យ៉ាងណាឲ្យបាន៥ ទៅ៦ លាននាក់នៅទីប្រជុំជន ដូច្នេះនៅពេលវ៉ាក់សាំង ចូលមកដល់ភ្លាម នឹងត្រូវរៀបចំចាក់ជូនប្រជាពលរដ្ឋតាមផែនការភ្លាម។

តាមសម្ដេចតេជោ ហ៊ុន សែន នៅថ្ងៃទី០៦ ខែកក្កដា ខាងមុខ វ៉ាក់សាំងនឹងមកដល់១ លានដូស ហើយថ្ងៃទី១០ នឹងមកដល់៤ លានដូសបន្ថែមទៀត ហើយវ៉ាក់សាំងទាំងនេះ នឹងរុញទៅឲ្យក្រុមគ្រូពេទ្យចាក់ជូនប្រជាពលរដ្ឋ ដោយមិនបង្អង់យូរឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់អ្នកដែលមិនបានទាន់បានចាក់វ៉ាក់សាំង ឬជឿតាមគេ ហើយមិនព្រមចាក់វ៉ាក់សាំង នោះពេលមួយដែលចង់ចាក់ សម្ដេចតេជោ ហ៊ុន សែន បញ្ជាក់ថា គឺត្រូវតែដាក់ពាក្យសុំចាក់ ហើយបញ្ជាក់ពីមូលហេតុផ្សេងៗ ដូចជាជាប់ចត្តាឡីស័ក ឬកើតជំងឺកូវីដ១៩ ជាដើម។

បើតាមសម្ដេចតេជោ ហ៊ុន សែន បើអ្នកណាជឿតាមការញុះញង់របស់អ្នកដទៃត្រូវចាំរហូតដល់ឆ្នាំ២០២៣ទៅ ហើយសម្តេចនឹងអោយគោលការណ៍មួយលើបញ្ហានេះ។ សម្តេចបញ្ជាក់ថា “បើអ្នកឯងនៅទីហ្នឹង ហើយជឿតាមការញុះញង់របស់អ្នកដទៃ ចឹងសុំចាំឆ្នាំ ២០២៣ចាំចាក់ ខ្ញុំនឹងអោយគោលការណ៍ហ្នឹងមួយ ហើយជឿទៅ ចាក់វ៉ាក់សាំងចិនទៅងាប់ ជឿទៅ។ ហើយអ្វីដែលអ្នកឯងជឿគេនោះ តើមានប្រយោជន៍ដែរទេ ?”។

សម្ដេចតេជោ ហ៊ុន សែន លើកឡើងដែរថា មកដល់ពេលនេះ យើងមិនចាំបាច់ទៅចលនាអីច្រើនទេ ពីព្រោះប្រជាជនពួកគាត់ដឹងអស់ហើយ គាត់មកចាក់លើសផែនការទៀតផង៕

ដោយ ៖ កោះកែវ

Related Topics:វ៉ាក់សាំងកូវីដ-១៩

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា