ព័ត៌មានជាតិ

ខណ្ឌច្បារអំពៅ ចាក់វ៉ាក់សាំងដល់ក្មេងអាយុ ១២ ដល់ ១៧ ឆ្នាំ បានជាង ១ ម៉ឺននាក់ សល់ ៦ ពាន់នាក់ទៀត

បានផុស

៣ years មុន

នៅ

ថ្ងៃសៅរ៍ ៧ សីហា ២០២១

ដោយ

ក្មេងៗ អាយុចាប់ពី ១២ ឆ្នាំ ដល់ ១៧ ឆ្នាំ បានទទួលការចាក់វ៉ាក់សាំងការពារជំងឺកូវីដ-១៩ ចំនួន១២០០០ នាក់ នៅសល់ប្រមាណ ៦០០០ នាក់ ដែលកំពុងបន្តចាក់ជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថិតិនេះធ្វើឡើងក្នុងពេល លោក ចេង មុនីរ៉ា អភិបាលខណ្ឌច្បារអំពៅ បានអញ្ជើញចុះពិនិត្យមើលការចាក់វ៉ាក់សាំងដល់ក្មេងៗ ដែលមានអាយុចាប់ពី ១២ ឆ្នាំ ដល់ ១៧ ឆ្នាំ នៅមណ្ឌលសុខភាពសង្កាត់និរោធ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

ខណៈនោះដែរ អភិបាលខណ្ឌច្បារអំពៅ បានធ្វើការកោតសរសើរដល់ក្រុមគ្រូពេទ្យបង្អែក រួមទាំងក្រុមការងាររបស់អាជ្ញាធរសង្កាត់និរោធ ដែលសហការគ្នាចុះបំពេញការងារក្នុងពេលចាក់ថ្នាំជូនដល់ក្មេងៗយ៉ាងលឿន និង មានតម្លាភាពល្អ។

ជាពិសេសជាងនេះ អាណាព្យាបាលក្មេងៗ បានរូតរះនាំកូនចៅមកចាក់ថ្នាំ ដោយពុំមានការបង្ខិតបង្ខំឡើយ។

លោកអភិបាលខណ្ឌច្បារអំពៅ បញ្ជាក់ទៀតថា ចាប់តាំងពីថ្ងៃទី ០១ ខែសីហា មកដល់ថ្ងៃទី ០៧ ខែសីហា នេះ ក្រុមគ្រូពេទ្យ បានចាក់ថ្នាំវ៉ាក់សាំងជូនដល់កូនចៅប្រជាពលរដ្ឋរស់នៅក្នុងមូលដ្ឋានខណ្ឌច្បារអំពៅ ចំនួន ១២០០០ នាក់ នៅសល់ ៦០០០ នាក់ទៀត ត្រូវបានបញ្ចប់។