រកឃើញវិជ្ជមានថ្មី​​ ៧០ នាក់ ធ្វើឲ្យករណីកើនសរុប ៤,០៩៣ នាក់ហើយ នៅបាត់ដំបង

ខេត្តបាត់ដំបង: រដ្ឋបាលខេត្តបានចេញសេចក្តីប្រកាសឲ្យដឹងថាថ្ងៃនេះ មានអ្នកឆ្លងកូវីដ នៅក្នុងខេត្តបាត់ដំបង មានការថយចុះបន្តិចបន្តួច ប៉ុន្តែសម្រាប់អ្នកជាសះស្បើយ​គឺនៅតែមានមួយចំនួនដែរ។

នៅយប់ថ្ងៃទី៧ សីហានេះ រដ្ឋបាលខេត្តបានចេញសេចក្តីប្រកាស​ព័ត៌មាន​ជាផ្លូវការ ដោយ​បានរកឃើញ​អ្នកឆ្លងជំងឺកូវីដ-១៩ បន្ថែម​ថ្មីចំនួន ៧០ នាក់ ដែលក្នុងនោះអ្នកពាក់ព័ន្ធ​នឹងព្រឹត្តការណ៍ សហគមន៍២០កុម្ភ:មានចំនួន ៦៥ នាក់ និងពលករ​ត្រឡប់មកពីប្រទេស​ថៃមានចំនួន ៥ នាក់ ដោយឡែក​សម្រាប់​អ្នកជាសះស្បើយ​មានចំនួន ២៣ នាក់  ។

រដ្ឋបាលខេត្តបាត់ដំបងបាន​បង្ហាញ​អត្តសញ្ញាណ​ឲ្យ​ដឹងថា បើគិតមកទល់នឹងថ្ងៃទី ៧ សីហានេះ ខេត្តបាត់ដំបង​មានអ្នកផ្ទុកមេរោគកូវីដ-១៩សរុបកើនឡើងដល់ចំនួន ៤.០៩៣ នាក់ ហើយ ដោយ​ក្នុង​នោះ​មានអ្នកជាសះស្បើយសរុបចំនួន ២.៥១៥ នាក់ ស្លាប់​បានកើនឡើងរហូត​ដល់ចំនួន ៤៨ នាក់ និង​អ្នក​ដែល​កំពុង​សម្រាកព្យាបាល​នៅក្នុងមន្ទីរពេទ្យបង្អែក​ខេត្តមានចំនួន ១.៥៣០ នាក់៕

អត្ថបទ ៖សោ និយមរ័ត្ន