Connect with us

កូវីដ-១៩

ជាង ១ ឆ្នាំនេះ កម្ពុជា ចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋជាង ១៥ លាននាក់ហើយ​

បានផុស

នៅ

រយៈពេល​ជាង ១ ឆ្នាំ​មកនេះ កម្ពុជា បាន​ចាក់​វ៉ាក់សាំង​បង្ការ​ជំងឺ​កូវីដ-១៩ ដល់​ពលរដ្ឋ​ជាង ១៥ លាន​នាក់​ហើយ ដែល​ធ្វើ​ឲ្យ​ប្រទេស​មួយ​នេះ​មាន​ភាព​ស៊ាំ​ក្នុង​សហគមន៍ ទប់ស្កាត់​ការ​ឆ្លង​ជំងឺ​កូវីដ-១៩ ប្រកប​ដោយ​ប្រសិទ្ធភាព​ខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​របាយការណ៍​របស់​គណៈកម្មការ​ចំពោះ​កិច្ច​ចាក់​វ៉ាក់សាំង​បង្ការ​ជំងឺ​កូវីដ-១៩ ក្នុង​ក្របខណ្ឌ​ទូទាំង​ប្រទេស (​គ​.វ​.ក ១៩) បាន​ឲ្យ​ដឹង​ថា កម្ពុជា ចាប់ផ្ដើម​ចាក់​វ៉ាក់សាំង​បង្ការ​ជំងឺ​កូវីដ-១៩ នៅ​ថ្ងៃ​ទី ១០ ខែ​កុម្ភៈ ឆ្នាំ ២០២១ ហើយ​រហូតមកដល់​ថ្ងៃ​ទី ១៤ ខែ​ឧសភា ឆ្នាំ ២០២២ នេះ​មាន​ពលរដ្ឋ​ប្រមាណ ១៥០០០៧៨២ នាក់ បាន​ចាក់​វ៉ាក់សាំង​ដូស​ទី ១ ក្នុង​នោះ​មាន​អ្នក​ចាក់​ដូស​ទី ២ ចំនួន ១៤២៥៨៦៨២ នាក់ ,អ្នក​ចាក់​ដូស​ទី ៣ ចំនួន ៨៩៧៩៦៣៩ នាក់ ,និង​អ្នក​ចាក់​ដូស​ទី ៤ ចំនួន ២១៨៥០១៦ នាក់។

បើ​តាម​គ​.​វ​.​ក ១៩ បាន​បន្ត​ថា ក្នុងចំណោម​នោះ​មាន​ប្រជាពលរដ្ឋ​ដែល​មាន​អាយុ​ពី ១៨ ឆ្នាំ​ឡើង ចាក់​បាន​ចំនួន ១០៣,០៩% ធៀប​ជាមួយ​ចំនួន​ប្រជាជន​គោលដៅ ១០ លាន​នាក់​។ លើ​កុមារ​-​យុវវ័យ អាយុ​ពី ១២ ឆ្នាំ ទៅ​ក្រោម ១៨ ឆ្នាំ មាន ១០០,៥២% ធៀប​ជាមួយ​ចំនួន​ប្រជាជន​គោលដៅ ១,៨២៧,៣៤៨ នាក់។ លើ​កុមារ​អាយុ​ពី ០៦ ឆ្នាំ ដល់​ក្រោម ១២ ឆ្នាំ មាន ១០៨,៨៦% ធៀប​ជា​មួយ​នឹង​ប្រជាជន​គោលដៅ ១,៨៩៧, ៣៨២ នាក់។ លើ​កុមារ​អាយុ ០៥ ឆ្នាំ មាន ១៣១,២៤% ធៀប​ជា​មួយ​នឹង​ប្រជាជន​គោលដៅ ៣០៤,៣១៧ នាក់។ លើ​កុមារ​អាយុ ០៣ ឆ្នាំ ដល់​ក្រោម ០៥ ឆ្នាំ មាន ៦៣,៨៨% ធៀប​ជា​មួយ​នឹង​ប្រជាជន​គោលដៅ ៦១០,៧៣០ នាក់។

គ​.​វ​.​ក ១៩ បាន​បញ្ជាក់​ថា លទ្ធផល​ចាក់​វ៉ាក់សាំង​ធៀប​នឹង​ចំនួន​ប្រជាជន​សរុប ១៦ លាន​នាក់ មាន ៩៣,៧៥%។​

ចំពោះ​វ៉ាក់សាំង​ដែល​ចាក់​ជូន​ប្រជាពលរដ្ឋ​មាន​ចំនួន ៦ ប្រភេទ រួមមាន ៖ វ៉ាក់សាំង Sinopharm, វ៉ាក់សាំង Sinovac ,វ៉ាក់សាំង Astrazeneca ,វ៉ាក់សាំង Johnson & Johnson ,វ៉ាក់សាំង Pfizer និង វ៉ាក់សាំងModerna។

បើ​តាម​លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល បាន​មាន​ប្រសាសន៍​កាលពី​ពេល​ថ្មីៗ​នេះ​ថា រហូត​មក​ដល់​ពេលនេះ កម្ពុជា មាន​វ៉ាក់សាំង​បង្ការ​ជំងឺ​កូវីដ-១៩ ប្រមាណ​ជាង ៧៣ លាន​ដូស​ហើយ សម្រាប់​ចាក់​ជូន​ដល់​ប្រជាពលរដ្ឋ។ ក្នុង​ចំណោម​វ៉ាក់សាំង​ជាង ៧៣ លាន​ដូស ក្នុង​នោះ​មាន​ទាំង​វ៉ាក់សាំង​ជំនួយ​ទ្វេភាគី ជំនួយ​តាមរយៈ​យន្តការ​កូវ៉ាក់ និង​ការ​បញ្ជា​ទិញ​ផ្ទាល់​ហើយ​វ៉ាក់សាំង​ជាង ៥៣ លាន​ដូស បាន​ប្រគល់​ជូន កម្ពុជា រួចហើយ និង​នៅសល់​ជាង ២០ លាន​ដូស​ទៀត នឹង​ដឹក​មកដល់​ប្រទេស​កម្ពុជា ជា​បន្តបន្ទាប់​ទៀត។

គួរ​បញ្ជាក់​ថា ការ​ចាក់​វ៉ាក់សាំង​បង្ការ​ជំងឺ​កូវីដ-១៩ បាន​អត្រា​ខ្ពស់​នេះ ធ្វើ​ឲ្យ​ប្រទេស​កម្ពុជា មាន​ស្ថានភាព​ការ​ឆ្លង​ជំងឺ​កូវីដ-១៩ ធូរស្រាល និង​បាន​បើក​ដំណើរការ​ប្រទេស​ឡើងវិញ ហើយ​អ្វី​កាន់តែ​ប្រសើរ​ទៀត​នោះ ក្នុង ១ សប្តាហ៍​នេះ កម្ពុជា មិន​មាន​ករណី​ឆ្លង​ថ្មី​ទេ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម